Хворая на рак валанцёр з Гомеля шукае гаспадароў для 30 сваіх хатніх гадаванцаў
Гамяльчанка Марына Ступінская выкупіла будынак былой школы ў вёсцы Высокае Рагачоўскага раёна, дзе стварыла прытулак для бяздомных жывёл. За 5 гадоў Марына прыстроіла ў добрыя рукі больш за 400 сваіх падапечных. Два гады таму Марына захварэла на рак. Цяпер яна шукае гаспадароў для 30 сваіх хатніх гадаванцаў, піша «Белка».
Чатыры гады таму валанцёр купіла будынак былой школы ў вёсцы Высокае Рагачоўскага раёна і адкрыла ў ім прытулак для бяздомных катоў і сабак. Марына і яе каманда збіраліся адкрыць там ветэрынарны кабінет, пабудаваць новыя вальеры, правесці неабходныя камунікацыі.
Два гады таму ў Марыны знайшлі анкалогію, зрабілі аперацыю, але хвароба вярнулася.
Цяпер жанчына важыць менш за 40 кг, дрэнна сябе адчувае. І прагнозы ўрачоў несуцяшальныя. Таму кіраўніцтва прытулкам прыйшлося перадаць у рукі іншых валанцёраў. Але абаронца жывёл працягвае клапаціцца пра тых гадаванцаў, якія жывуць у яе дома.
— Больш за ўсё мяне цяпер хвалюе лёс маіх сабак і катоў, якіх больш за 30. Калі мяне не стане, што з імі будзе? Можа быць, нехта знойдзе месца ў сваім сэрцы і сваім доме для іх? — звяртаецца да неабыякавых людзей Марына Ступінская.
Паглядзець фота ўсіх жывёл можна на старонцы валанцёра ў ВК. Калі вы гатовыя ўзяць дадому кагосьці з іх ці дапамагчы іншым спосабам, тэлефануйце: +375 29 368-82-38 (Кацярына).
Цяпер чытаюць
У сацсетках Хлястова апублікавалася відэа, запісанае на выпадак яго затрымання. Сам спявак на Акрэсціна8
Каментары