Грамадства22

Стала вядома, колькі беларусаў маюць візы краін ЕС і як часта ездзяць за мяжу

У якіх краінах бывалі беларусы і што яны думаюць пра Захад і Расію? Дзе б хацелі жыць, працаваць, і чаму? Як беларусы ацэньваюць уплыў «заходняга ладу жыцця» і рускай культуры? Новае даследаванне апублікаваў Chatham House.

Як праводзілася апытанне

Chatham House апытаў 741 рэспандэнта з 15 па 31 жніўня 2022 года. Як і ў мінулы раз, у выбарку трапіла толькі гарадское насельніцтва. Апытанне было праведзенае з дапамогай інтэрнэт-інтэрвʼю (CAWI), то-бок выбарка была абмежаваная карыстальнікамі інтэрнэту, а значыць, эканамічна і сацыяльна больш актыўнымі людзьмі.

З іншага боку, даследчыкі прызнаюць, што праз сітуацыю ў Беларусі рэспандэнты маглі не быць дастаткова шчырымі, што таксама мела ўплыў на вынікі.

Сваякі ў іншых краінах

Больш за палову беларусаў маюць родных за мяжой. Амаль у 70% — гэта Расія.

Візы краін Еўрапейскага саюза

Толькі 5% беларусаў маюць візу якой-небудзь краіны ЕС. Такія вынікі — сярод гарадскога насельніцтва, якое карыстаецца інтэрнэтам. То-бок рэальныя лічбы будуць яшчэ меншыя. 17% апытаных думаюць адкрыць візу ў якую-небудзь краіну ЕС.

Наведванне розных краін за апошнія 5 гадоў

Амаль палова апытаных беларусаў за апошнія 5 гадоў была ў Расіі, чвэрць — ва Украіне, 15% былі ў Польшчы, 11% — у Літве. Не выязджала з краіны ў апошнія гады больш чым траціна апытаных. Даследчыкі дадаюць, што тыя, хто падтрымлівае дзейны рэжым, бывалі дзе-небудзь значна радзей, чым іх апаненты.

Жыццё і праца на Захадзе або ў Расіі

Амаль 40% хацелі б жыць і працаваць на Захадзе, траціна — у Расіі. Тыя, хто выбірае Захад, звязваюць гэта з жаданнем павысіць узровень жыцця і адчуваць сябе свабоднымі. Прыхільнікі Расіі гавораць пра хуткую асіміляцыю (менталітэт, агульная мова), а таксама пра пачуццё прыхільнасці.

Самаідэнтыфікацыя з заходняй культурай і ўспрыманне заходняга ладу жыцця

Беларусы пазітыўна ставяцца да заходняй культуры (нават тыя, хто не быў за заходняй мяжой).

Але сябе да яе звычайна не адносяць. Пры гэтым, тыя беларусы, якія бывалі ў краінах ЕС, часцей адносяць сябе да заходняй культуры і радзей ставяцца да яе негатыўна.

Уплыў заходняй і расійскай культуры

Беларусы лічаць, што суседнія культуры маюць уплыў на іх лад думак і жыцця. Расійскую культуру схільныя лічыць больш уплывовай у Беларусі па параўнанні з заходняй. Стаўленне да працы — пытанне, на якое, па меркаванні апытаных, найменш мае ўплыў і заходняя і расійская культура.

Характар уплыву заходняй і расійскай культуры

Беларусы часцей ацэньваюць пазітыўна ўплыў заходняй культуры на прававую свядомасць, стаўленне да ведаў і густы, а расійскай — на адносіны паміж людзьмі.

Больш падрабязна з вынікамі апытання можна азнаёміцца тут.

Каментары2

  • Праўдаруб
    07.10.2022
    “Амаль 40% хацелі б жыць і працаваць на Захадзе, траціна — у Расіі”. Траціна насельніцтва па ўсёй бачнасці атручана прапагандай.
  • Satan
    07.10.2022
    Вопросы из разряда ниачом. Визу 5% имеют? Так вы её сейчас попробуйте получите! Кто где был за последние 5 лет? А последние почти три года какбэ не особо и выехать можно было. Во всяком случае, не просто. А улететь еще сложнее. Крч, если бы эти вопросы задавались в году 2019, то опрос имел бы смысл. А сейчас не опрос, а дурасць.

Цяпер чытаюць

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Усе навіны →
Усе навіны

На Кіпры п’яны расіянін прычапіўся да п’янай украінкі. Яе спадарожнікі збілі яго на горкі яблык — можа страціць вока35

«Не можаш ваяваць — дапамагай. Не можаш дапамагаць — не трындзі»: маладая беларуска далучылася да УСУ ў 2026‑м і ваюе дроншчыцай26

Памёр адзін з акцёраў-блізнюкоў з папулярнага фільма «Нянькі»1

Самыя папулярныя браўзеры, сацсеткі і ШІ-пошукавікі ў Беларусі11

Выйшла кніга пра Зянона Пазняка. Яе рыхтавалі больш за 10 гадоў17

Былы расійскі губернатар Гладкоў адмовіўся ад канала з 400 тысячамі падпісчыкаў. У Крамлі былі незадаволеныя яго актыўнасцю

Беларусы незадаволеныя канцэртам «Тату» ў Мінску — бо артысткі спявалі не на рускай мове28

Арына Сабаленка, падобна, нецэнзурна выказалася ў бок украінскай тэнісісткі пасля сваёй паразы37

Дэталі аварыі на Міншчыне, дзе загінулі трое: 21‑гадовага кіроўцу пазбавілі правоў — але рашэнне не паспела ўступіць у сілу

больш чытаных навін
больш лайканых навін

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Галоўнае
Усе навіны →

Заўвага:

 

 

 

 

Закрыць Паведаміць