Віктар Ганчарэнка на прэс-канферэнцыі 30 верасня выказаў спадзяванне, што нягледзячы на халоднае надвор'е трыбуны стадыёна «Дынама» будуць запоўненыя.
Да матчу мы рыхтуемся з добрым настроем, у нас ёсць мабільная выйгрышная серыя ў нацыянальным першынстве. І мы з нецярпеннем чакаем пачатку матчу з «Эвертанам».
Пра гэта галоўны трэнер БАТЭ Віктар Ганчарэнка заявіў на прэс‑канферэнцыі ў Мінску 30 верасня.
«Мы дастаткова маем інфармацыі пра суперніка. Так, трэнер Вадзім Скрыпчанка наведаў суботні матч «Эвертана» з «Портсмутам», — сказаў галоўны трэнер БАТЭ. Спадар Ганчарэнка назваў ліверпульскую каманду моцнай і сілавой, што, у адрозненне ад «Бенфікі», здольная якасна гуляць доўгі пас.
Галоўны трэнер зноў выказаў шкадаванне, што беларускія СМІ па-ранейшаму больш надаюць увагі супернікам, чым барысаўскаму клубу, хоць гэта і можна зразумець. З іншага боку
«У Еўропе як не было інтарэсу да нашай каманды, так і няма».
«Я хачу, каб як мага больш інфармацыі было пра беларускіх футбалістаў. Я упэўнены, што наш Сяргей Крывец куды цікавейшы, чым [гулец «Эвертана] Дзініяр Білялетдзінаў».
Сяргей Крывец, што браў удзел у прэс‑канферэнцыі, адзначыў, што ў мінулым сезоне, калі БАТЭ стартаваў у Лізе чэмпіёнаў, усё было ў першы раз. «Цяпер каманда мае пэўны досвед, цяпер мы больш спакойна ставімся да суперніка».
Сяргей Крывец зазначыў, што хоча забіць паболей мячоў, прычым любому суперніку, а задача БАТЭ выйсці ў наступны раўнд Лігі Еўропы.
Віктар Ганчарэнка, рэзюмуючы вынікі прэс‑канферэнцыі, падкрэсліў, што вельмі важна, каб як мага болей людзей прыйшло на стадыён:
«Хацелася б, каб беларускія футбалісты выступалі пры поўных трыбунах».
***
Матч 2‑га туру групавога турніру футбольнай Лігі Еўропы БАТЭ - «Эвертан» пройдзе 1 кастрычніка (чацвер) на мінскім стадыёне «Дынама». Пачатак а 20‑й.
Прагноз надвор'я на вечар чацвярга не надта суцяшальны. Да пахаладання дадасца пахмурнае надвор'е, увечары пойдзе дождж. Чакаецца +6-8 градусаў цяпла.
Віктар Ганчарэнка на пытанне пра кепскае надвор'е парыраваў: «Мы звыклыя да ўсяго, нават да снегу».
***
У першым туры групавога турніру. 17 верасня, БАТЭ прайграла ў гасцях «Бенфіцы» з лікам 0:2, а «Эвертан» разграміў у Ліверпулі афінскі АЕК — 4:0.
Становішча ў нашай групе такое: Эвертан, Бенфіка - 3, БАТЭ, АЕК - 0.
Каментары