Спроба атручвання? Валерый Сахашчык самлеў за рулём. Яго абследуюць
Як стала вядома «Нашай Ніве», непрыемная гісторыя адбылася з «міністрам абароны» ў кабінеце Ціханоўскай, Валерыем Сахашчыкам. Сімптомы нагадваюць атручванне — за апошні час Сахашчык двойчы быў у бальніцы. Кульмінацыяй стала страта прытомнасці за рулём, аварыю прадухіліў сын афіцэра, спыніўшы машыну.
Як вядома «Нашай Ніве», першы раз з дзіўнымі сімптомамі Сахашчык трапіў у бальніцу неўзабаве пасля заканчэння беларускай канферэнцыі ў Вільні.
Пасля гэтага было некалькі сустрэч у ЕС, візіт ва Украіну. Па вяртанні, як нам вядома, у яго пачалі праяўляцца дзіўныя сімптомы, кульмінацыяй чаго стаў выпадак тыднёвай даўніны — палітык страціў прытомнасць за рулём. На шчасце, з ім ехаў сын, ён перахапіў руль і спыніў машыну. Гэта засцерагло ад аварыі.
З улікам наяўнасці дзіўных сімптомаў, такіх, як бяссонніца і крытычна зніжаная працаздольнасць, блізкія да Сахашчыка людзі дапускаюць, што прычынай можа быць атручванне.
Як нам вядома, праверка гэтай версіі плануецца ў знакамітай берлінскай клініцы «Шарытэ», дзе ў свой час быў на рэабілітацыі расійскі палітык Аляксей Навальны.
Разам з гэтым, паплечнікі звяртаюць увагу на стан павышанай эмацыйнай мабілізацыі падпалкоўніка Сахашчыка ў апошні час, што было выклікана работай і сямейнымі абставінамі. Гэта таксама магло выклікаць праблемы са здароўем.
Варта адзначыць, што апошнім часам лукашэнкаўскія прапагандысты адкрыта пагражалі прадстаўнікам дэмакратычных сіл за мяжой.
Чытайце таксама: Хто такі Валерый Сахашчык, які ўзначаліў сілавы блок у кабінеце Ціханоўскай
Валерый Сахашчык — аўтарытэтны беларускі ваенны, былы камандзір брэсцкіх дэсантнікаў, які вырашыў далучыцца да руху за законнасць і перамены.
У новаствораным Аб'яднаным кабінеце ён заняў месца прадстаўніка па абароне.
Лічыцца, што ён — стваральнік і натхняльнік палка «Пагоня», касцяк якога складаюць былыя байцы сілаў спецыяльных аперацый Беларусі.
«Забіць яго ці адрэзаць яму яйцы я не рашыўся». Падрабязнасці трагедыі ў Гданьску, дзе ваяр катаваў бойфрэнда, а пасля забіў сябе65
Каментары