Беларуская тэнісістка Вікторыя Азаранка адхіленая ад удзелу ў дабрачынным турніры «Тэніс за мір» у US Open, накіраванага на збор сродкаў для Украіны. Пра гэта паведаміла агенцтва Reuters са спасылкай на арганізатараў мерапрыемства.
Азаранка павінна была далучыцца да такіх гульцоў, як Рафаэль Надаль, Кока Гаўф, Джон Макінрой, Карлас Алькарас і Іга Свентак на мерапрыемстве, прымеркаваным да святкавання Дня незалежнасці Украіны. Аднак шэраг гульцоў з Украіны выступілі супраць яе прысутнасці.
«У апошнія 24 гадзіны, пасля ўважлівага разгляду і дыялогу з усімі зацікаўленымі бакамі, Вікторыя Азаранка не будзе ўдзельнічаць у нашым турніры «Тэніс за мір» сёння ўвечары, — гаворыцца ў заяве Асацыяцыі тэніса ЗША (USTA). —
Віка — моцны гулец-лідар, і мы высока цэнім яе жаданне прыняць удзел. Улічваючы адчувальнасць для ўкраінскіх гульцоў і канфлікт, які працягваецца, мы лічым, што гэта правільнае рашэнне».
Украінка Марта Касцюк, якая займае 70-е месца ў свеце, нядаўна заявіла, што адмовілася ад магчымасці згуляць у турніры ў сераду ў знак пратэсту супраць прысутнасці Азаранкі.
«Калі мы даведаліся, што на гэтым турніры будуць прадстаўнікі Расіі ці Беларусі, я адразу сказала, што не буду ў ім удзельнічаць», — сказала 20-гадовая спартоўка журналістам.
Нягледзячы на забарону на ўдзел ва Уімблдоне пасля ўварвання ва Украіну, гульцы з Расіі і Беларусі былі дапушчаныя да ўдзелу ў Адкрытым чэмпіянаце ЗША, які стартуе ў панядзелак. Аднак ім забаронена выступаць пад сцягам сваіх краін.
-
Шаметавец: Пасля знікнення ні Мельнікава, ні ад яе імя на «Кіберпартызанаў» не выходзілі. Яна не мае чым нас шантажаваць
-
Зянон Пазняк: Зараз інтарэсы рэжыму ў нейкай ступені супадаюць з нацыянальнымі інтарэсамі
-
«Кіберпартызаны»: Не трэба раздзімаць паніку, што рэжым усё можа ўзламаць, прачытаць, пра ўсё даведацца. Не, не можа
Чакаецца новы раўнд перамоваў між Беларуссю і ЗША — літоўскі СМІ9
Каментары