Эканоміка

«Рэзкіх скачкоў быць не можа». МАРГ абверг чуткі пра павышэнне цэн на цукар

Міністэрства антыманапольнага развіцця і гандлю (МАРГ) абвергла чуткі пра рэзкае павышэнне цэн на цукар. Пра гэта заявіў сёння журналістам першы намеснік міністра Іван Вежнавец, піша БелТА.

«У нас у летні перыяд заўсёды ўзнікае дадатковы попыт на цукар, бо гэта сезон нарыхтовак. Таму мы з канцэрнам «Белдзяржхарчпрам» штогод фармуем графік пастаўкі цукру на ўнутраны рынак. Ён улічвае сезонны попыт. На бягучы момант гэты графік выконваецца, прычым з пэўным запасам. Цукру ў краіне дастаткова для задавальнення патрэб», — сказаў Іван Вежнавец.

Па яго словах, сітуацыя ў цэлым стабільная, разам з тым у асобных рэгіёнах узнік дадатковы попыт. «Паводле нашых ацэнак, гэта ў першую чаргу абумоўлена незразумелымі чуткамі наконт павышэння цэн. Хачу адзначыць, што гандлёвая надбаўка на цукар рэгулюецца, яна ўстаноўлена ў памеры 15%. Акрамя таго, вытворцы не павышаюць цэны. Мы лічым, што на бягучы момант цэны на цукар з'яўляюцца рынкавымі, дазваляюць забяспечыць рэнтабельную працу як прадпрыемствам, так і арганізацыям гандлю. Таму для нас у прынцыпе дзіўныя чуткі пра тое, што нібыта плануецца рэзкае павышэнне цэн на цукар. Такія прапановы ў нас нават не абмяркоўваюцца», — заявіў першы намеснік міністра.

Ён звярнуў увагу на тое, што цана на цукар можа вар'іравацца толькі ў абмежаваных межах — да 15% гандлёвай надбаўкі. «Але ніякіх рэзкіх скачкоў быць не можа. Рэкамендую кіравацца афіцыйнай інфармацыяй, а не чуткамі», — падкрэсліў Іван Вежнавец.

17 ліпеня ў Брэсцкай вобласці мясцовыя жыхары масава скуплялі ў крамах цукар пасля таго, як прайшоў слых пра будучае моцнае падаражэнне. У выніку раніцай 18 ліпеня ў некаторых крамах Брэста і Пінска гэты прадукт скончыўся.

Каментары

Цяпер чытаюць

У Гомеля закрылі забягалаўку прадпрымальніка-лукашыста і знішчылі яго плакат са Сталіным

У Гомеля закрылі забягалаўку прадпрымальніка-лукашыста і знішчылі яго плакат са Сталіным

Усе навіны →
Усе навіны

Беларусаў папярэдзілі пра візавую пастку пры наведванні Сербіі і Чарнагорыі2

Мерц катэгарычна супраць пасярэдніцтва Пуціна на Блізкім Усходзе1

Маладую выкладчыцу англійскай мовы асудзілі за ўдзел у пратэстах4

МУС Украіны: Расія разам з целамі ўкраінскіх вайскоўцаў перадае і расійскіх1

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА34

Вось як выглядае ўкраінскі вайсковец пасля трох гадоў расійскага палону ФОТАФАКТ10

Расійскія прапагандысты тэрмінова эвакуіруюцца з Тэгерана6

«Загрузка ўпала, заказаў менш». Работнікаў прадпрыемства ў Рэчыцы сталі адпраўляць у адпачынкі без аплаты7

Чаму вучэнні «Захад-2025» вырашылі правесці ў цэнтры краіны, а не каля межаў НАТА — меркаванне ўкраінскага палітолага4

больш чытаных навін
больш лайканых навін

У Гомеля закрылі забягалаўку прадпрымальніка-лукашыста і знішчылі яго плакат са Сталіным

У Гомеля закрылі забягалаўку прадпрымальніка-лукашыста і знішчылі яго плакат са Сталіным

Галоўнае
Усе навіны →

Заўвага:

 

 

 

 

Закрыць Паведаміць