Стаў вядомы лёс легендарнай «лускі» з крамы «Акіян». І гэта добрыя навіны
Музей гісторыі горада Мінска стаў новым уладальнікам той самай легендарнай «лускі» з крамы «Акіян». У чацвер 16 чэрвеня супрацоўнікі музея забралі панэлі ў ранейшага ўладальніка. Цяпер іх будуць чысціць і рэстаўраваць, а потым «луска» стане адным з экспанатаў музея, піша Сitydog.
Што за «луска»?
Тая самая «луска» — гэта славутыя дэкаратыўныя панэлі, якія на працягу многіх гадоў упрыгожвалі сцены вядомай крамы «Акіян» (працуе з 1975 года на вуліцы Казлова, 2 у Мінску). Гэта першая крама ў горадзе, якая спецыялізавалася на продажы вырабаў з рыбы. Упрыгожванне крамы — знакамітыя серабрыстыя сцены, што імітавалі рыбную луску.
Панэлі ў выглядзе рыбнай лускі заказвалі ў ФРГ. Для мантажу ў краму нават прыязджалі нямецкія спецыялісты.
У ліпені 2021 года папулярны магазін «Акіян» стаў чарговым «Віталюрам». Каля 60 квадратных метраў «лускі» захавалі, а астатнюю абяцалі перадаць у музей гісторыі Мінска».
Працэс перадачы быў няпростым. Але супрацоўнікі «Віталюра» дапамаглі музею з лагістыкай і транспарціроўкай панэляў.
Стануць часткай экспазіцыі
Цяпер над імі будуць працаваць рэстаўратары, бо большая частка панэляў моцна дэфармаваная і забруджаная.
Учора ў музеі ўжо паспелі ачысціць некалькі плітак — паглядзіце, якія яны прыгожыя!
Хутчэй за ўсё, «луска» стане часткай паўнавартаснай інсталяцыі ў экспазіцыі музея «Вобразы савецкага Мінска». Супрацоўнікі ўстановы спадзяюцца, што на экспазіцыі панэлі з'явяцца ўжо ў наступным годзе.
Пакалечаная ў Дубаі ўкраінская мадэль сцвярджае, што адным з яе катаў быў 28-гадовы беларускі тэмшчык. Вось што пра яго вядома15
Каментары