За заклікі да забастоўкі на «Гомсельмашы» ўраджэнцу Украіны прысудзілі год калоніі
Судом Веткаўскага раёна быў вынесены прысуд ураджэнцу Украіны Кірылу Пятрэнку па крымінальнай справе аб арганізацыі і падрыхтоўцы групавых дзеянняў, якія груба парушаюць грамадскі парадак (ч. 1 арт. 342 Крымінальнага кодэкса). Суддзя Святлана Мажэйка прысудзіла Пятрэнку адзін год калоніі, піша «Вясна».
Па матэрыялах абвінавачання, Пятрэнка 13 жніўня 2020 года стварыў Telegram-канал, на платформе якога размяшчаў публікацыі, у якіх заклікаў да актыўнага ўдзелу ў забастоўцы на прадпрыемстве ў Гомелі, дзе сам працаваў.
У створаным Telegram-канале Пятрэнка таксама публікаваў і рэпосты з «дэструктыўных каналаў і чатаў».
Прысудам суда абвінавачаны Пятрэнка прызнаны вінаватым, яму прызначана пакаранне ў выглядзе пазбаўлення волі на тэрмін адзін год з адбываннем у папраўчай калоніі ва ўмовах агульнага рэжыму.
Каментары