Свет

Краіны Захаду абяцаюць Украіне цяжкую артылерыю. Боепрыпасы ідуць няспынным патокам

Прайшлі тыя часы, калі Барак Абама высылаў украінцам коўдры, а Меркель — шлемы. 

Паддоны з боепрыпасамі для Украіны ў транспартным самалёце. Фота ВПС ЗША.

Краіны Захаду адзіным фронтам пачынаюць пастаўкі ва Украіну бранятэхнікі і артылерыі.

Рэй вядзе Брытанія. Сёння пасля сазвону кіраўнікоў ЗША, Вялікабрытаніі, Францыі, Нямеччыны, Італіі, Польшчы, Канады, Румыніі, НАТА і ЕС брытанцы заявілі пра гатоўнасць пастаўкі бронемашын з эфектыўнымі зенітнымі комплексамі малой дальнасці Stormer HVM з ракетамі Starstreak.

Пентагон заявіў, што Украіна ўжо атрымала з іншых краін самалёты-знішчальнікі, а таксама запчасткі, якія дазволяць падняць у паветра больш вайсковых самалётаў. Такую заяву зрабіў прэс-сакратар Пентагона Джон Кірбі сёння.

Кірбі ўдакладніў, што гаворка ідзе пра дапамогу, атрыманую не ад Злучаных Штатаў.

Польшча ўжо адправіла Украіне сотню танкаў, ЗША — ударныя беспілотнікі, некалькі гаўбіц, савецкія верталёты і бронемашыны старога ўзору.

У той жа час Канада таксама абвясціла пра намер паставіць артылерыю. Артылерыю ўжо перадалі Украіне Славаччына і Чэхія.

Пра намер паставіць Украіне цяжкую зброю напісаў прэм'ер-міністр Нідэрландаў Марк Рутэ па выніках размовы з Уладзімірам Зяленскім.

Парламент Італіі з рэдкім для палітычнага спектра гэтай краіны адзінадушшам ўхваліў пастаўкі цяжкага ўзбраення — пакуль не канкрэтызуецца якога.

А Румынія спецыяльна пад перадачу зброі са сваіх запасаў мяняе нацыянальнае заканадаўства.

Раней ладныя партыі ўзбраення перадалі Украіне таксама Фінляндыя, Швецыя, Бельгія, Іспанія і Нарвегія.

У прыгранічным польскім Жэшуве штодзень прызямляюцца 8 — 10 вялікіх транспартных самалётаў з узбраеннямі і боепрыпасамі для Украіны. Расія выявілася няздольная перарэзаць шляхі пастаўкі зброі Украіне. Насуперак заявам Масквы, супрацьпаветраная абарона Украіны працягвае існаваць, і расійскія самалёты не рашаюцца залятаць далёка за лінію фронту. 

Нявырашаным застаецца толькі пытанне абароны ад крылатых і балістычных ракет, якімі Расія метадычна знішчае ўкраінскую інфраструктуру. Наяўных ва Украіны сістэм С-300 недастаткова, а пастаўкі амерыканскіх «Пэтрыётаў» ці то пакуль лагістычна немагчымыя, ці то не знайшлі палітычнага «апруву».

Пастаўкі Украіне цяжкіх узбраенняў павышаюць шанцы на тое, што яна выстаіць перад расійскай агрэсіяй.

Каментары

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Усе навіны →
Усе навіны

На Кіпры п’яны расіянін прычапіўся да п’янай украінкі. Яе спадарожнікі збілі яго на горкі яблык — можа страціць вока35

«Не можаш ваяваць — дапамагай. Не можаш дапамагаць — не трындзі»: маладая беларуска далучылася да УСУ ў 2026‑м і ваюе дроншчыцай26

Памёр адзін з акцёраў-блізнюкоў з папулярнага фільма «Нянькі»1

Самыя папулярныя браўзеры, сацсеткі і ШІ-пошукавікі ў Беларусі11

Выйшла кніга пра Зянона Пазняка. Яе рыхтавалі больш за 10 гадоў17

Былы расійскі губернатар Гладкоў адмовіўся ад канала з 400 тысячамі падпісчыкаў. У Крамлі былі незадаволеныя яго актыўнасцю

Беларусы незадаволеныя канцэртам «Тату» ў Мінску — бо артысткі спявалі не на рускай мове28

Арына Сабаленка, падобна, нецэнзурна выказалася ў бок украінскай тэнісісткі пасля сваёй паразы37

Дэталі аварыі на Міншчыне, дзе загінулі трое: 21‑гадовага кіроўцу пазбавілі правоў — але рашэнне не паспела ўступіць у сілу

больш чытаных навін
больш лайканых навін

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Галоўнае
Усе навіны →

Заўвага:

 

 

 

 

Закрыць Паведаміць