Палітвязень Мікола Дзядок адбывае пяцігадовы тэрмін у калоніі паводле прысуду па трох крымінальных артыкулах. У няволі на яго аказваецца ціск з боку адміністрацыі.
«Працягваюцца канфіскацыі і знішчэнні лістоў у максімальна здзеклівай форме, — распавёў Мікола Дзядок у адным з апошніх лістоў. — Справа выглядае так: мне прыносяць акты, дзе напісана, што ліст ад… знішчаны, бо носіць цынічны характар, прапануюць распісацца. Я пытаю, што такое цынічны характар? Мне ў адказ: «Вы распісвацца будзеце?» І так па коле. Такім чынам было знішчана ўжо каля 45 лістоў. Іх дэманстратыўна, моўчкі, прачытваюць пры мне, а потым хаваюць у канверт і знішчаюць. Усё гэта адбываецца пад відэарэгістратар.
Зусім відавочна, што ніякага цынізму ў лістах няма. Гэта проста легальны спосаб пазбавіць мяне перапіскі. Падстрахоўваюцца тым, што потым знішчаюць гэтыя лісты, каб пасля нельга было нічога праверыць.
У астатнім звычайнае быццё ў ПКТ. Большую частку сваіх заняткаў прыйшлося адкласці з-за розных рэжымных абмежаванняў. Напрыклад, пакуль не малюю, бо няма чым тачыць алоўкі.
Увесь вольны час чытаю савецкія кнігі з бібліятэкі і займаюся спортам. На працягу дня грае радыё, але ў курсе падзеяў сябе ўсё роўна не адчуваеш. Па ўсіх станцыях, як прыватных, так і дзяржаўных, больш-менш відавочная прарасійская прапаганда, альбо маркотны афіцыёз: «У Магілёве прайшоў усеагульны суботнік», «Моладзь Чавусаў правяла тэлемост з моладдзю Валгаграда».
Жадаю бадзёрасці і веры ўсім! Абдымаю кожнага і кожную, хто мяне падтрымлівае і пра мяне думае!»
***
Міколу Дзядка затрымалі 11 лістапада 2020, моцна збівалі і катавалі. 10 лістапада палітвязня асудзілі да пяці гадоў калоніі ва ўмовах агульнага рэжыму па трох крымінальных артыкулах: арт. 342 КК РБ, арт. 361 КК РБ, арт. 295-3 КК РБ. Мікола віну не прызнаў.
Падтрымаць Міколу Дзядка можна лістамі па адрасе: 213410, г. Горкі, вул. Дабралюбава, 16, ВК-9, ПКТ, Дзядку Мікалаю Аляксандравічу.
Чытайце таксама:
Мікалая Дзядка паставілі на прафулік як «схільнага да суіцыду і членашкодніцтва»
Мікалаю Дзядку прысудзілі пяць гадоў калоніі
Страшныя паказанні палітвязня Дзядка ў судзе: Выдаў паролі пасля таго, як душылі падушкай
-
Блогер з Гродна, якога абвінавацілі ў махлярстве на грашах для хворага дзіцяці, у інстаграме пракаментаваў сваю справу
-
МЗС Беларусі паведаміў, калі адкрыецца мяжа для літоўскіх грузавікоў
-
«Некаторых маіх сяброў беларушчынай перакармілі». Як нарадзіцца і ўсё жыццё пражыць у Сібіры, а лічыць сябе беларускай?
Цяпер чытаюць
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х77
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х7
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары