Украінскі Генштаб: Беларускае камандаванне прывяло ў баявую гатоўнасць частку сваіх падраздзяленняў
Генштаб Узброеных сілаў Украіны апублікаваў аператыўную зводку па стане на 19:00 па Мінску.
Пажар у Жытоміры пасля прылёту ракеты з боку Беларусі.
Паводле зводкі:
- Расія працягвае назапашванне авіяцыйнай тэхнікі і актывізацыю спецназу на тэрыторыі Беларусі. Больш за 50 самалётаў, 10 верталётаў і 2 самалёты Ан-124 сканцэнтраваныя ў аэрапорце Мачулішчы. Транспартныя самалёты пастаянна вылятаюць з аэрапортаў Баранавічаў і Мачулішчаў у бок Украіны.
- Беларускае камандаванне прывяло ў баявую гатоўнасць частку сваіх падраздзяленняў.
- Праводзячы наступальную аперацыю ва Украіне, расіяне выкарыстоўваюць забароненыя міжнародным гуманітарным правам метады барацьбы: захоп аб'ектаў сацыяльнай інфраструктуры, апрананне ў форму ўкраінскіх вайскоўцаў, паліцэйскіх, ратавальнікаў. Дыверсійныя групы выкарыстоўваюць машыны хуткай дапамогі і паліцэйскія машыны, скрадзеныя з бальніц і станцый хуткай дапамогі.
- Маральны і псіхалагічны стан расіян нізкі. На Чарнігаўшчыне шарагоўцы УС Расіі нібыта гатовыя скласці зброю і здацца ў палон. Уздоўж дарог пакінутыя сотні адзінак бронемашын і цыстэрнаў па ўсёй Украіне.
Цяпер чытаюць
Галоўным спікерам Жаночага форуму ў Мінску стане расійскі крынджовы псіхолаг, які расказваў пра «памяць жаночых палавых губ»4
Каментары