У Расіі з удзелам Лукашэнкі і Пуціна прайшлі стратэгічныя вучэнні з запускам гіпергукавых ракет
Уладзімір Пуцін і Аляксандр Лукашэнка 19 лютага прынялі ўдзел у трэніроўцы па кіраванні Узброенымі Сіламі Расіі, падчас якой прайшло вучэнне сіл стратэгічнага стрымлівання, паведамляе БЕЛТА.
Падчас вучэння адпрацоўваліся пытанні кіравання ядзернай зброяй і зброяй павышанай патэнцыйнай небяспекі.
Да манеўраў прыцягнутыя падраздзяленні Паветрана-касмічных сіл, Паўднёвай ваеннай акругі, Ракетных войскаў стратэгічнага прызначэння, Паўночнага і Чарнаморскага флатоў.
Начальнік Генеральнага штаба Узброеных Сіл Расіі Валерый Герасімаў далажыў, што асноўная мэта манеўраў ‒ адпрацоўка дзеянняў стратэгічных наступальных сіл па нанясенні гарантаванай паразы саперніку.
Былі здзейсненыя пускі гіпергукавых ракет авіяцыйнага ракетнага комплексу «Кінжал» і гіпергукавых супрацькарабельных крылатых ракет «Цыркон». Усе ракеты, паводле справаздачы, паразілі назначаныя мішэні.
20 лютага Пуцін і Лукашэнка плануюць узяць удзел у невядомым «сур'ёзным і цікавым мерапрыемстве». Што за яно, не ўдакладняецца.
Вучэнні адбываюцца падчас рэзкага абвастрэння расійска-украінскага крызісу. Расію абвінавачваюць у пагрозе ўварвання ва Украіну.
«Зараз мы са старэйшым братам параімся і вырашым». Пра што гаварылі Лукашэнка і Пуцін падчас перамоваў
Новы ўзровень супрацьстаяння з Захадам. Пра што сведчаць заявы Пуціна і Лукашэнкі
Цяпер чытаюць
«Размаўляў увесь час па-беларуску». Павел Севярынец запісаў свой першы зварот пасля вызвалення24
«Размаўляў увесь час па-беларуску». Павел Севярынец запісаў свой першы зварот пасля вызвалення
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары