Cтаршыня Аб'яднанага камітэта начальнікаў штабоў ЗША патэлефанаваў начальніку Генштаба Беларусі
Міністэрства абароны паведаміла, што сёння па ініцыятыве амерыканскага боку адбылася тэлефонная размова начальніка Генеральнага штаба Узброеных Сілаў Беларусі генерал-маёра Віктара Гулевіча са старшынёй Аб'яднанага камітэта начальнікаў штабоў Узброеных Сілаў ЗША Марка Мілі.
Дэталяў размовы пакуль што не падаюць, кажуць толькі, што падчас яе бакі «абмеркавалі пытанні бяспекі».
Амерыканскі бок таксама паведаміў пра гэтую размову, але асаблівых падрабязнасцяў і ён не даў.
Пра гэта напісала агенцтва Reuters са спасылкай на прэс-службу Міністэрства абароны ЗША.
Паведамляецца, што размова амерыканскага і беларускага высокапастаўленых вайскоўцаў адбылася ў той момант, калі Расія праводзіць вайсковыя вучэнні ў Беларусі і на Чорным моры пасля канцэнтрацыі сваіх войскаў ля межаў Украіны.
«Тэлефонны званок спрыяў камунікацыі паміж абодвума вайсковымі кіраўнікамі, каб зменшыць імавернасць памылак і ацаніць перспектыву еўрапейскай бяспекі», — заявіў палкоўнік Дэйв Батлер, прэс-сакратар старшыні Абʼяднанага камітэта начальнікаў штабоў ЗША.
Каментары