Беларуску з расіянінам выслалі з Чарнагорыі за сэкс у аўто на вачах у мінакоў
У Будве 50‑гадовую грамадзянку Беларусі і 40‑гадовага расіяніна аштрафавалі на 500 еўра кожнага і дэпартавалі з Чарнагорыі на год пасля сэксу ў чужой машыне проста ў цэнтры горада.
Ілюстрацыйны здымак. Фота: vecteezy.com
Паводле мясцовай паліцыі, усё адбывалася сярод белага дня 9 сакавіка.
Беларуска з расіянінам залезлі ў чужое аўто. Гаспадыня аўтамабіля зрабіла заўвагу і запатрабавала пакінуць яе машыну. Але «госці» пачалі паводзіць сябе агрэсіўна і не захацелі выходзіць.
Больш за тое, пара занялася сэксам на сядзенні аўтамабіля з адчыненымі дзвярыма, чым, паводле паліцыі, шакавала грамадзян і дзяцей, што былі побач.
Як паведамляе чарнагорскае выданне Vijesti, суд прызначыў абодвум штраф па 500 еўра, а таксама выдварэнне з тэрыторыі Чарнагорыі на адзін год.
Сталі вядомыя падрабязнасці пра трагедыю ў Полацкім манастыры16
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары