Міністр юстыцыі дэклараваў неабходнасць змагання з «нацменамі». Сам ён родам з Данбаса, а ўсю кар'еру рабіў у міліцыі
Міністр юстыцыі Сяргей Хаменка на пасяджэнні калегіі Міністэрства 4 лютага заявіў, што «да ліку найважнейшых ахоўных функцый дзяржавы адносіцца недапушчэнне дзейнасці некамерцыйных арганізацый, якія могуць спрыяць нанясенню шкоды нацыянальным інтарэсам рэспублікі». Пры гэтым ужыў у дачыненні да іх слова «нацмены», то-бок «нацыянальныя меншасці».

БелТА цытуе словы міністра:
«Міністэрства юстыцыі, адпаведныя рэгіструючыя органы павінны стаць надзейнай перашкодай для ўсякага роду так званых нацменаўскіх ячэек і правадніком для канструктыўных грамадскіх арганізацый».
Ці азначае гэта, што ў вышэйшых кіраўнічых колах ужо схільныя разглядаць змаганне з грамадзянскай супольнасцю як змаганне міжнацыянальнае, з беларусамі як такімі?
Сам Хаменка нарадзіўся на Данбасе ў 1966-м, у горадзе Ясінаватая, што цяпер знаходзіцца пад кантролем непрызнанай ДНР.
Да прызначэння міністрам юстыцыі Сяргей Хаменка кар'еру рабіў у МУС: унутраныя войскі, Дэпартамент аховы і падобнае.
Пры гэтым у міліцэйскім асяродку Хаменку крытыкавалі за няўменне выказвацца. Магчыма, ён проста не разумее значэння слова «нацмен», але ўставіў яго — як герой аднаго твора, у якога хвалі пераліваліся цераз борт «імклівым дамкратам».
Чытайце таксама:
Сябруе з кіраўніком ГУБАЗіК. Што вядома пра Сяргея Хаменку, які стаў новым міністрам юстыцыі
Перамены ў Мінюсце: міністрам прызначылі сілавіка. За што знялі Сліжэўскага і што будзе далей?
-
У Мінску адкрылі новую дыспетчарскую станцыю замест знесенай савецкай. Але будынка там няма — толькі бытоўка і біятуалет
-
У Беларусі за апошнія гады ліквідавалі 40 праваслаўных прыходаў
-
У Беларусі перастала працаваць сістэма анлайн-кантролю за рухам тавараў — ад шын да фенаў. Гэта не першы такі збой сёлета
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал
Каментары