Экс-прэзідэнта Грузіі Міхаіла Саакашвілі перавялі ў рэанімацыю пасля таго, як ён страціў прытомнасць у чацвер у турэмным шпіталі, паведамляе партал «Новости-Грузия».
«Гэта была кароткатэрміновая страта свядомасці, быў высокі ціск і былі нестабільныя глікемічныя паказчыкі. Ён ляжыць у рэанімацыі, і там дзяжурыць рэаніматолаг. Ён цалкам кантактны», — заявіла лекар.
Стан пацыента стабільны. Яна дадала, што прычыны кароткачасовай страты прытомнасці стануць вядомыя пасля правядзення шэрагу даследаванняў.
Саакашвілі, які працягвае галадоўку ўжо 49-ы дзень, раней у чацвер страціў прытомнасць падчас сустрэчы з адвакатамі і быў вынесены з пакоя для спатканняў на насілках.
Група лекараў пад эгідай амбудсмена Грузіі Ніно Ламджарыі пасля медыцынскага агляду Саакашвілі заявіла, што яго стан здароўя крытычны па многіх жыццёвых паказчыках.
Лекары рэкамендавалі шпіталізаваць яго ў шматпрофільную клініку, у якой яму могуць даць паўнавартаснае лячэнне.
Цяпер чытаюць
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?1
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары