Навука і тэхналогіі

На кухнях рэстаранаў хуткага харчавання ўсё часцей з’яўляюцца робаты

На фоне недахопу працоўнай сілы сеткі хуткага харчавання супрацоўнічаюць са шматлікімі стартапамі, каб аўтаматызаваць працэс на кухні.

Фота TechRepublic

У адным з рэстаранаў папулярнай амерыканскай сеткі хуткага харчавання White Castle ужо год працуе незвычайны работнік з выключнай працаздольнасцю — кухар-робат Фліпі. Ён працуе 23 гадзіны на суткі (адна гадзіна вылучаецца на чыстку) і забяспечвае цэлы рэстаран бульбай фры.

Рука прамысловага робата, абцягнутая тлушчанепранікальным рукавом, рухаецца па рэйцы, прымацаванай да столі і самастойна падымае і апускае кошыкі з бульбай фры, калі яна прыгатуецца. Акрамя бульбы, Фліпі можа прыгатаваць большасць гарніраў рэстарана. Гэта значыць, што людзі, якія працуюць разам з робатам, маюць больш часу для ўзаемадзеяння з кліентамі, піша The Wall Street Journal.

White Castle настолькі задаволены працай Фліпі, што, разам з яго вытворцам Miso Robotics, плануе выпусціць палепшаную версію робата і распаўсюдзіць яго ў іншых рэстаранах сеткі.

У рэстаранах і гатэлях свету апошнім часам назіраецца недахоп працоўнай сілы. Усё больш людзей задаюцца пытаннем, ці варта ўладкоўвацца ў сферу грамадскага харчавання з пазменным графікам, адносна нізкім заробкам і высокай фізічнай нагрузкай. Гэта вымушае прадпрымальнікаў выкарыстоўваць кіёскі самаабслугоўвання і аптымізоўваць анлайн-замовы. Аднак кіраўнікі гэтай галіны спрабуюць вырашыць больш складаную праблемы: аўтаматызаваць непасрэдна вытворчасць прадуктаў харчавання.

Рэстараны хуткага харчавання ўжо даўно выкарыстоўваюць аўтаматызацыю ў той ці іншай форме на сваіх кухнях. Але тая тэндэнцыя, якая назіраецца цяпер, іншая. У эпоху пандэміі, калі значна вырас попыт на вынас і дастаўку, рэстаратары пачалі разглядаць новыя, яшчэ больш дасканалыя тэхналогіі.

Адна з галоўных праблем, з якой сутыкаюцца інжынеры пры аўтаматызацыі прыгатавання ежы, у тым, што ежа не падобная да металічных панэляў, з якімі прасцей навучыць робатаў працаваць, напрыклад, на аўтамабільным заводзе.

«Сапраўдная складанасць у тым, каб стварыць машыну, якая б магла кіраваць рэчывам, што пастаянна дэфармуецца ў працэсе прыгатавання», - сцвярджае Барні Раг, выканаўчы дырэктар лонданскай кампаніі Karakuri robotics, якая распрацоўвае рабатызаваную сталовую ў адной з кавярань. Да гэтага яшчэ дадаюцца праблемы бяспечнага абыходжання з харчовымі прадуктамі і пастаянны змены тэмператур падчас працэсу прыгатавання.

Аднак робат Каракуры можа прыгатаваць самыя розныя стравы, дзе трэба змяшаць прадукты ў місцы. Сваёй рабатызаванай рукой Каракуры змешвае розныя інгрыдыенты ў адпаведнасці з патрэбным рэцэптам.

Па такім жа прынцыпе працуе і робат Beastro ад ізраільскай кампаніі Kitchen Robotics, толькі выглядае ён інакш. Beastro напаўняе міскі патрэбнымі інгрыдыентамі і самастойна перадае іх на стужку, дзе ежа працягвае гатавацца.

Вытворцы кухоннай рабататэхнікі арыентуюцца на тое, каб гадзіна працы робата-кухара абыходзілася танней, чым людзей, якіх ён замяняе. Робата Beastro можна арандаваць за 7500 тысяч даляраў у месяц, у тым ліку забяспечваецца яго тэхнічнае абслугоўванне. Адзін робат можа замяніць працу 2-3 чалавек.

Del Taco, сетка з прыкладна 600 мексіканскіх рэстаранаў хуткага харчавання, супрацоўнічае з Miso Robotics, каб стварыць робата, які б мог самастойна разліваць напоі. Гэта паскорыць хуткасць выканання замоў, бо сістэма будзе аўтаматычна браць кубак, выбіраць патрэбны напой, дадаваць лёд і аддаваць людзям.

На сёння аўтаматызацыя кухні разглядаецца рэстаратарамі як магчымасць сэканоміць грошы і час. Таму гэта тэндэнцыя сведчыць пра будучыню, дзе гатаваць і падаваць ежу будуць у многіх выпадках робаты.

Каментары

Цяпер чытаюць

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Усе навіны →
Усе навіны

На Кіпры п’яны расіянін прычапіўся да п’янай украінкі. Яе спадарожнікі збілі яго на горкі яблык — можа страціць вока35

«Не можаш ваяваць — дапамагай. Не можаш дапамагаць — не трындзі»: маладая беларуска далучылася да УСУ ў 2026‑м і ваюе дроншчыцай26

Памёр адзін з акцёраў-блізнюкоў з папулярнага фільма «Нянькі»1

Самыя папулярныя браўзеры, сацсеткі і ШІ-пошукавікі ў Беларусі11

Выйшла кніга пра Зянона Пазняка. Яе рыхтавалі больш за 10 гадоў17

Былы расійскі губернатар Гладкоў адмовіўся ад канала з 400 тысячамі падпісчыкаў. У Крамлі былі незадаволеныя яго актыўнасцю

Беларусы незадаволеныя канцэртам «Тату» ў Мінску — бо артысткі спявалі не на рускай мове28

Арына Сабаленка, падобна, нецэнзурна выказалася ў бок украінскай тэнісісткі пасля сваёй паразы37

Дэталі аварыі на Міншчыне, дзе загінулі трое: 21‑гадовага кіроўцу пазбавілі правоў — але рашэнне не паспела ўступіць у сілу

больш чытаных навін
больш лайканых навін

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Галоўнае
Усе навіны →

Заўвага:

 

 

 

 

Закрыць Паведаміць