Праект амністыі Зікрацкага: Севярынца і Фядуту вызваляць ад адказнасці, а Бабарыку і Золатаву адпусцяць пад падпіску аб нявыездзе
Юрыст Сяргей Зікрацкі прадставіў праект Акту аб амністыі. Ён адказвае на пытанні, як павінна адбывацца амністыя і рэабілітацыя беларусаў, якія зведалі пераслед па палітычных матывах.
Тыя, хто быў асуджаны альбо абвінавачаны па «палітычных артыкулах», павінны выйсці на свабоду і быць амніставаныя на працягу двух сутак. Гаворка ідзе пра крымінальныя справы, заведзеныя пасля 8 мая 2020 года.
У дакуменце пералічваюцца артыкулы Крымінальнага кодэкса, якія будуць адназначна лічыцца палітычнымі. Гэта 130 «Распальванне варожасці»; 293 «Масавыя беспарадкі»; 342 «Арганізацыя і падрыхтоўка дзеянняў, што груба парушаюць грамадскі парадак, або актыўны ўдзел у іх»; 356 «Здрада дзяржаве»; 357 «Змова», 364 «Гвалт у дачыненні да супрацоўніка органаў унутраных спраў», а таксама розныя «паклёпы» і «абразы».
Зікрацкі адзначае, што па гэтых артыкулах асуджана нашмат больш людзей, чым уключана ў спіс палітвязняў «Вясны».
Асобна гаворка вядзецца пра тых, на каго завялі крымінальную справу па артыкулах, якія не з'яўляюцца палітычнымі, але часам выкарыстоўваюцца, каб пасадзіць нязгодных. Маецца на ўвазе нявыплата падаткаў, карупцыя, адмыванне сродкаў або атрыманне хабараў.
Тыя, супраць каго распачатыя такія справы з 8 мая 2020 года, таксама выйдуць на свабоду на працягу двух дзён, але пад падпіску аб нявыездзе. Іх справы будуць пераглядацца. У гэтую групу трапляюць і Віктар Бабарыка, і фігуранты справы Тутбая, у тым ліку Марына Золатава.
Нарэшце, тыя, хто атрымаў адміністрацыйную адказнасць па «палітычных» артыкулах накшталт артыкула 23.34 (таксама з 8 мая 2020 года), будуць неадкладна вызваленыя. Сумы штрафаў, выплачаныя па гэтых справах, будуць вернутыя з бюджэту.
Усе звольненыя па палітычных матывах атрымаюць магчымасць аднавіцца на працы.
Амаль усе чаты і суполкі калоній і СІЗА Беларусі прызналі экстрэмісцкімі фармаваннямі. Пад пагрозай тысячы чалавек5
Каментары