Журналіста Андрэя Аляксандрава затрымалі па крымінальнай справе. Ён на Акрэсціна
Журналіст і медыяменеджар Андрэй Аляксандраў знаходзіцца ў статусе падазраванага, паведаміла афіцыйны прадстаўнік УСК па Мінску Кацярына Гарлінская. Ён затрыманы «ў сувязі з высвятленнем дачынення да дзеянняў у Мінску, якія груба парушаюць грамадскі парадак».
Сувязь з журналістам і медыяменеджарам Андрэем Аляксандравым, а таксама з яго дзяўчынай Ірынай прапала днём у аўторак, 12 студзеня.
Кватэра Аляксандрава не апячатаная, суседзяў раніцай 13 студзеня дома не было. Супрацоўнікі офісаў на першым паверсе будынка кажуць, што не бачылі нейкай незвычайнай канцэнтрацыі сілавікоў.
Дзяўчына Андрэя, з якой таксама не было сувязі з учорашняга дня, знайшлася ў сталічным ЦІП на Акрэсціна, дадае БелаПАН.
***
Андрэй Аляксандраў нарадзіўся ў 1978 у Ніжнім Тагіле. Дзяцінства правёў у Паставах, там скончыў школу. Скончыў гісторыка-філалагічны факультэт Полацкага дзяржаўнага ўніверсітэта. Атрымаў ступень магістра медыяменеджмента ў Вестмінстэрскім універсітэце ў Лондане.
Журналісцкую кар'еру пачынаў у Наваполацку.
У 2009-2012 гадах — намеснік старшыні Беларускай асацыяцыі журналістаў. Быў супрацоўнікам міжнародных арганізацый Index on Censorship і Article 19.
У 2015-2018 гадах — намеснік дырэктара інфармацыйнага агенцтва БелаПАН.
Цяпер чытаюць
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ7
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары