Затрыманы паліттэхнолаг Шкляраў застаецца пад вартай. Выявілася, што ён мае амерыканскі дыппашпарт
Затрыманаму 29 ліпеня ў Гомелі паліттэхнолагу Віталю Шкляраву ў пятніцу абралі меру стрымання, ён застаецца пад вартай тэрмінам на два месяцы. Абвінавачванне яму не выстаўлена — на гэта ў следства ёсць дзесяць дзён. Пра гэта паведаміў Tut.by ягоны адвакат Антон Гашынскі.
Крымінальнай справы ў дачыненні да Шклярава няма — ён праходзіць падазраваным па справе ў дачыненні да Сяргея Ціханоўскага (ён абвінавачваецца па чатырох артыкулах, у тым ліку арт. 342 ч. 1 — «Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх»). Першапачаткова Шклярава затрымалі на 72 гадзіны па арт. 108 КПК.
Адвакат Шклярава заявіў, што абскардзіць затрыманне падабароннага ў судзе.
— Сям'я Віталя вельмі перажывае і спадзяецца на тое, што гэтая памылка будзе выпраўленая ў найбліжэйшы час, — адзначыў Гашынскі.
Жонка Шклярава — грамадзянка ЗША, яна працуе ў пасольстве ў Кіеве. Па словах крыніцы, знаёмай з сітуацыяй, у Шклярава ў сувязі з гэтым ёсць амерыканскі дыппашпарт. Такім чынам, цяпер да высвятлення абставінаў і прычын яго затрымання падключаюцца і дыпламатычныя колы.
Цяпер чытаюць
На перадсмяротным відэа з калоніі насамрэч быў не Вітольд Ашурак. З'явіліся новыя падрабязнасці смерці палітвязня28
Каментары