Лукашэнку падарылі выцінанку з выявай сядзібы Горватаў у Нароўлі — яе даўно спрабуе выратаваць пісьменнік Андрэй Горват
Аляксандру Лукашэнку падчас яго візіту ў Нароўлю ўручылі некалькі падарункаў, перадае БелТА.
Так, кіраўніку дзяржавы паднеслі выцінанку з выявай знакамітай сядзібы Горватаў у Нароўлі — сімвала горада. У 1816 годзе Ігнат Горват купіў маёнтак Нароўля з найбліжэйшымі вёскамі і пабудаваў тут сваю сядзібу ў стылі класіцызму з пейзажным паркам. Будынак захаваўся дагэтуль, але знаходзіцца ў скрушным стане, мае патрэбу ў рэканструкцыі, яго аднаўленнем даўно заклапочаны пісьменнік Андрэй Горват.
У такім стане знаходзіцца сядзібны дом зараз. Фота TUT.BY
«Карціну павесім дома», — прыняў падарунак Аляксандр Лукашэнка.
Каментары