У эфіры тэлеканала СТБ 1 студзеня адбыўся дастаткова нестандартны выпадак. Журналістка Алена Казлова падчас жывога ўключэння ў эфір дзіўна хісталася і не надта цвёрда вымаўляла словы.
Карыстальнікі інтэрнэту нават пачалі жартаваць, што карэспандэнтка магла быць п’янай. Пікантнасці дадавала тое, што ва ўключэнні гаворка вялася пра забег цвярозасці, які адбыўся 1 студзеня каля Палаца спорту.
Відэа з Аленай Казловай за лічаныя гадзіны першага дня года стала вірусным. Яно «качавала» па сацсетках, тэлеграм-каналах і нават інфармацыйных сайтах. «Наша Ніва» звярнулася па каментар да самой журналісткі, але яна перанакіравала да намесніка генеральнага дырэктара СТБ Кірыла Казакова.
«Журналістка моцна хвалявалася. Вы ж, канечне, не бачылі канцоўку відэа? Яна нават страціла прытомнасць»,
— расказаў Казакоў. Па ягоных словах, Алена Казлова працуе на СТВ каля паўгода, а навагодні рэпартаж быў адным з першых у яе працы жывых эфіраў. «Такое бывае з маладымі журналістамі, што яны перахвалююцца.
Ні пра які алкаголь гаворкі быць не можа. У нас строгае правіла, што ўжываць алкаголь падчас працы забаронена», — расказаў прадстаўнік СТБ.
Кірыл Казакоў паведаміў, што 2 студзеня ў Алены Казловай дзень адпачынку, бальнічны яна не брала.
Цяпер чытаюць
Сілавікі завітваюць да беларусаў, якіх ужо не могуць прыцягнуць па крыміналцы за ўдзел у маршах, з маскі-шоу — для прафілактыкі7
Сілавікі завітваюць да беларусаў, якіх ужо не могуць прыцягнуць па крыміналцы за ўдзел у маршах, з маскі-шоу — для прафілактыкі
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары