Рабочая група даследчыкаў Міжнароднай камісіі па стратыграфіі (ICS) прагаласавала за прызнанне наступлення антрапацэну — новай геалагічнай эпохі, звязанай з дзейнасцю чалавека. Пра рашэнне афіцыйна аб'явяць на працягу наступных двух гадоў, паведамляе Science Alert.
Чалавецтва пакінула шмат слядоў сваёй дзейнасці, якія захаваюцца на працягу мільёнаў гадоў. Адным з такіх слядоў з'яўляецца павелічэнне ўзроўню радыенуклідаў. Яшчэ ў 2016 годзе камісія пачала разглядаць прапанову прызнаць канец галацэну — эпохі чацвярцічнага перыяду. Яе спыненне ў сярэдзіне XX стагоддзя звязваюць з пачаткам ядзерных выпрабаванняў.
Цяпер працоўная група павінна ўзгадніць выразную мяжу падзелу паміж галацэнам і антрапацэнам.
Цяпер чытаюць
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары