Затрымалі дваіх жыхароў сталіцы, якія арганізавалі «бізнэс» па ўхіленні ад падаткаў.
Двое мужчын рэгулярна адкрывалі фірмы на падстаўных асобаў, выкарыстоўваючы асацыяльных элементаў і наркаманаў. За афармленне «кіраўнік» такой фірмы атрымліваў ад 100 да 300 даляраў. Сёння, дарэчы, на шэраг «кіраўнікоў» заведзеныя крымінальныя справы за распаўсюд наркотыкаў, паведамляе Камітэт дзяржкантролю.
Пасля рэгістрацыі лжэпрадпрымальніцкіх структур удзельнікі злачыннай групы на замову сваіх партнёраў афармлялі падробленыя бухгалтарскія дакументы: нібыта ажыццяўляюцца гаспадарчыя аперацыі.
Да паслуг арганізатараў звярталіся камерцыйныя прадпрыемствы, якія працавалі ў розных сферах: перапрацоўка і рэалізацыя чорных і каляровых металаў, аптовы гандаль аўтазапчасткамі і камплектуючымі для грузавых аўтамабіляў і сельгастэхнікі, у тым ліку пастаўка запчастак дзяржпрадпрыемствам.
Напрыклад, прадпрыемства закупляла за наяўны разлік у Расіі аўтазапчасткі і прадавала іх беларускім суб'ектам гаспадарання. Пры гэтым у бухгалтарскі ўлік фірмы-прадаўца змяшчаліся фіктыўныя дакументы, якія скажалі памер выдаткаў.
За дапамогу ва ўхіленні ад выплаты падаткаў у асабліва буйным памеры на аўтараў схемы завялі крымінальную справу. Цяпер мужчынам пагражае да 7 гадоў.
Агулам падазраваныя дапамаглі не даплаціць больш за 1,3 мільёна рублёў падаткаў. Цяпер іх маёмасць арыштавалі, канфіскавалі ўсе запісы і камп’ютарную тэхніку. Таксама праводзіцца праверка дзейнасці кліентаў «фінансавай пральні».
Цяпер чытаюць
Сілавікі завітваюць да беларусаў, якіх ужо не могуць прыцягнуць па крыміналцы за ўдзел у маршах, з маскі-шоу — для прафілактыкі8
Сілавікі завітваюць да беларусаў, якіх ужо не могуць прыцягнуць па крыміналцы за ўдзел у маршах, з маскі-шоу — для прафілактыкі
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары