Порна ў Брытаніі з красавіка 2019 года змогуць глядзець толькі паўналетнія
Брытанскія заканадаўцы вызначылі механізм праверкі ўзросту карыстальнікаў на порнасайтах, паведамляе таблоід Metro. Сярод новаўвядзенняў — карткі для доступу на сайты з эратычным кантэнтам.
З красавіка 2019 года наведвальнікі сайтаў «для дарослых» з брытанскімі IP-адрасамі павінны будуць даваць парталам доказы іх паўналецця, а менавіта — прад'явіць пасведчанне асобы, правы кіроўцы або спецыяльную карту «ўзроставай верыфікацыі» (іх можна будзе набыць у крамах). Карткі верыфікацыі ў найбліжэйшы час паступяць у гандлёвыя пункты.
Забарона на наведванне дзецьмі порнасайтаў стала часткай прынятага ў 2017 годзе закона аб лічбавай эканоміцы.
Каментары