У Беларусі распрацоўваюць палажэнне, якое праясніць усе моманты з рэалізацыяй тавараў, работ і паслуг наконт падарункавых сертыфікатаў ці іншых падобных дакументаў. Пра гэта сёння на прэс-канферэнцыі распавяла намеснік начальніка ўпраўлення абароны правоў спажыўцоў і кантролю за рэкламай Міністэрства антыманапольнага рэгулявання і гандлю Ірына Барышнікава.
— Зараз Міністэрства антыманапольнага рэгулявання і гандлю (МАРГ) распрацоўвае палажэнні аб рэалізацыі тавараў, работ, паслуг па падарачных сертыфікатах ці іншых падобных дакументах. Прадугледжваецца ўстанавіць магчымасць вярнуць сертыфікат спажыўцом на працягу тэрміну яго дзеяння, устанавіць абавязак прадаўца выдаць спажыўцу рэшту, калі спажывец набыў тавар на суму меншую, чым указана ў сертыфікаце, - распавядае Ірына Барышнікава.
Шматлікія крамы сапраўды не даюць рэшту, калі чалавек узяў тавару на меншую суму, чым каштаваў падарункавы сертыфікат. У многіх нават на сайтах прапісана такое правіла.
Намеснік начальніка ўпраўлення падкрэсліла, што падарункавы сертыфікат - гэта тыя ж грошы, таму лагічна, калі будуць даваць рэшту, у выпадку калі чалавек не патраціў усю суму.
Такое правіла можа з'явіцца ўжо да 23 снежня — гэта дата ўступлення ў сілу закона «Аб унясенні змяненняў і дапаўненняў у закон «Аб абароне правоў спажыўцоў».
Цяпер чытаюць
Ад рэкету да продажу фота магіл. Як выглядае знутры групоўка Project X, якая вярбуе людзей для перавозкі мігрантаў з Беларусі ў ЕС9
Каментары