5 жніўня адзін з кіроўцаў Гродна стаў відавочцам незвычайнай сітуацыі - перад яго аўтамабілем на забараняльны сігнал святлафора дарогу жвава перабег падлетак, за якім прайшоў аўтамабіль ДАІ з уключанымі пробліскавымі маячкамі, а следам, але ўжо бегам, і яшчэ адзін інспектар, піша Блог Гродна.
Усе імкнуліся за маладым чалавекам - на пешаходную зону плошчы Савецкай. Гэта трапіла на відэа.
Што адбылося, AutoGrodno.by патлумачылі ў Дзяржаўтаінспекцыі.
- Увечары ў мінулую нядзелю нарад ДАІ дзяжурыў на вуліцы Парыжскай Камуны, калі міма іх праехаў аўтамабіль Volvo і не спыніўся на сігнал, пададзены жазлом. Супрацоўнікі ДАІ пачалі пераслед, а легкавы аўтамабіль павярнуў на вуліцу Стэфана Баторыя. На паркоўцы Volvo спыніўся, кіроўца выбег і накіраваўся ў двары.
Адзін з супрацоўнікаў ДАІ таксама выбег за ім, а другі працягнуў пераслед на аўтамабілі, - распавёў старшы інспектар ДАІ УУС аблвыканкама Алег Дук.
Малады чалавек прабег вакол дамоў і праз праезную частку накіраваўся на Савецкую плошчу. Менавіта там яго і затрымаў інспектар, які пад'ехаў на аўтамабілі.
- Аказалася, што кіроўцу Volvo цяпер 17 гадоў. Вадзіцельскіх правоў ён яшчэ не атрымліваў, а машыну ўзяў у бацькі, які правоў кіроўцы пазбаўлены (за кіраванне ў стане алкагольнага ап'янення).
Малады чалавек выпіў паўтара літра піва і паехаў катацца па горадзе з двума пасажырамі. Яны, дарэчы, засталіся каля кінутага аўтамабіля. У крыві кіроўцы выявілі 0,8 праміле алкаголю, - дапоўніў Алег Дук.
Цяпер чытаюць
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»42
Каментары