Пракуратура Аўтаномнай рэспублікі Крым (уваходзіць у склад Генеральнай пракуратуры Украіны) паведаміла аб завядзенні крымінальнай справы ў дачыненні да грамадзян Германіі, якія наведалі паўвостраў. Аб гэтым паведамляецца на сайце ведамства.
Пракуратурай было «ўстаноўлена, што 3 лютага 2018 года ў парушэнне вызначанага парадку ўезду на часова акупаваную тэрыторыю Украіны і выезду з яе, у Аўтаномную рэспубліку Крым прыбылі грамадзяне Федэратыўнай Рэспублікі Германія, якія планавалі выкарыстаць сваю паездку для сустрэч з прадстаўнікамі расійскай акупацыйнай улады з мэтай абмеркавання з імі шляхоў наладжвання кантактаў з нямецкім бокам».
Справа была заведзеная па частцы 1 артыкула 332-1 Крымінальнага кодэкса Украіны («Парушэнне парадку ўезду на часова акупаваную тэрыторыю Украіны»).
3 лютага на паўвостраў прыехалі дэпутаты рэгіянальных парламентаў ад нямецкай партыі «Альтэрнатыва для Германіі» — Берліна, Брандэнбурга і Паўночнага Рэйна-Вестфаліі.
У Берліне дэпутатаў раскрытыкавалі, але не сталі караць, паколькі, па словах саміх парламентарыяў, яны знаходзяцца ў Крыме з прыватнай паездкай.
Цяпер чытаюць
Новы пасол Украіны па пытаннях Беларусі: «Прызнаём Ціханоўскую лідарам. А ў Лукашэнкі няма манаполіі на голас народа»35
Каментары