Аб правядзенні грамадскага абмеркавання забудовы Асмалоўкі абвясціла адміністрацыя Цэнтральнага раёна Мінска, піша Onliner.by.

Усе старыя двухпавярховыя дамы ў раёне вул. Багдановіча — вул. Кісялёва — вул. Куйбышава — вул. Камуністычная падлягаюць зносу. Замест іх з'явяцца новыя жылыя дамы вышынёй 5-6 паверхаў з убудаванымі памяшканнямі гандлёва-бытавога прызначэння з падземнымі аўтастаянкамі. Абодва кварталы знітуе крытая грамадска-гандлёвая вуліца з падземнымі аўтастаянкамі (пасаж «Старажоўскі»).

Праект таксама закранае суседні квартал у межах вул. Багдановіча - вул. Кісялёва - вул. Старавіленскай - вул. Камуністычнай. Там хочуць пабудаваць 9-12-павярховы жылы дом і 4-5-павярховы офісны будынак.
Праект будзе рэалізаваны ў два этапы.
Грамадскае абмеркаванне пройдзе з 23 чэрвеня па 17 ліпеня. Прэзентацыя адбудзецца 26 чэрвеня ў 18:30 у будынку адміністрацыі Цэнтральнага раёна (вул. Мельнікайце, 6).
-
У Мінску адкрылі новую дыспетчарскую станцыю замест знесенай савецкай. Але будынка там няма — толькі бытоўка і біятуалет
-
У Беларусі за апошнія гады ліквідавалі 40 праваслаўных прыходаў
-
У Беларусі перастала працаваць сістэма анлайн-кантролю за рухам тавараў — ад шын да фенаў. Гэта не першы такі збой сёлета
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал
Каментары