Шведская каралеўская акадэмія атрымала і выклала ў сябе на сайце Нобелеўскую прамову лаўрэата прэміі па літаратуры амерыканскага рок-музыкі з адэскімі каранямі Боба Дылана, піша DW.
Легендарны амерыканскі паэт і музыка Боб Дылан выканаў умову для атрымання грашовай часткі Нобелеўскай прэміі. У панядзелак, 5 чэрвеня, Шведская каралеўская акадэмія ў Стакгольме паведаміла пра атрыманне Нобелеўскай лекцыі лаўрэата па літаратуры. Лекцыя Дылана павінна была быць адпраўлена акадэмікам да 10 чэрвеня 2017 года, і цяпер музыка можа разлічваць на 8 мільёнаў шведскіх крон (амаль мільён даляраў). Такая ўмова існуе толькі для лаўрэатаў Нобелеўскай прэміі ў галіне літаратуры.
Тэкст у акадэміі назвалі «незвычайным і красамоўным». Яго можна праслухаць і прачытаць на сайце Шведскай каралеўскай акадэміі.
Медаль і дыплом Нобелеўскай прэміі Дылану ўручылі ў красавіку, калі ён знаходзіўся ў Швецыі з канцэртамі. На цырымоніі ўзнагароджання нобелеўскіх лаўрэатаў у снежні ён не прысутнічаў. Больш за тое, цягам некалькіх тыдняў пасля прысуджэння Бобу Дылану Нобелеўскай прэміі па літаратуры ў кастрычніку 2016 года сябры журы не маглі з ім звязацца.
Цяпер чытаюць
Даішнік, якога збіў машынай пенсіянер пад Мінскам, памёр у бальніцы. Яму зладзілі пышнае пахаванне18
Каментары