Ці можа невядомы быць Алесем Гаруном?
У сеціве з'явіўся не вядомы раней шырака фотаздымак класіка нашай літаратуры.
1907 год. 25-гадовы Якуб Колас жартам танчыць з гэткім самым маладым хлопцам.
Фота было апублікаванае ў кнізе ўнучкі паэта, Веры Данілаўны Міцкевіч «Якуб Колас. Пясняр зямлі і неба Беларусі».
А той невядомы на здымку трохі падобны знешне да Алеся Гаруна (ніжэй — некалькі яго здымкаў).
У тым самым 1907-м 19-гадовы эсэр Алесь Гарун — Аляксандр Прушынскі — быў арыштаваны ў мінскай падпольнай друкарні
на вуліцы Шырокай (цяпер Куйбышава) за рэвалюцыйную дзейнасць. Калі ён чакаў суда ў турме, першы яго верш «Маці-Беларусі» быў апублікаваны ў «Нашай Ніве» (№ 28 за 1907 год).
Фота з Коласам зробленае ўзімку ці ранняй вясной — кусты без лісця, снег пад нагамі.
Ці мог Гарун перад арыштам наведаць Вільню, рэдакцыю НН, і выпадкам сустрэцца там з Якубам Коласам?
Якуб Колас стала пачне працаваць у «НН» з мая 1907-га, загадчыкам літаратурнага аддзела. Але ў маі Гарун ужо быў у турме — яго арыштавалі ў сакавіку. А праз год і сам Колас сядзе на тры гады за арганізацыю падпольнага настаўніцкага з'езда.
І ўсё ж застаецца каліва верагоднасці, што яшчэ да турмаў і адседак у рэдакцыі «першай беларускай газеты з рысункамі» ці дзесьці на віленскай або мінскай вуліцы спаткаліся два найвялікшыя аўтары «нашаніўскага прызыву». Яны яшчэ не ведаюць, што чакае іх і Беларусь наперадзе. Дурэюць, маладыя.
-
«Пад чырвонай зоркай і свастыкай». У Варшаве прэзентуюць кнігу пра акупаваную Заходнюю Беларусь
-
«І ўпершыню прагучала: фашысты-лукашысты». Чарнобыльскі Шлях — 1996 ва ўспамінах відавочцаў, якія праз дзесяцігоддзі пасля таго дня сталі мужам і жонкаю
-
Два камяні пад савецкім сметнікам. Што засталося ад распісанай фрэскамі Пятніцкай царквы ХІІ стагоддзя ў рэзідэнцыі полацкіх князёў
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары