Клімкін: Рэферэндум не паўплывае на практычнае прымяненне асацыяцыі
Вынікі рэферэндуму ў Нідэрландах не паўплываюць на практычнае прымяненне Пагаднення аб асацыяцыі Украіны з ЕС.
Пра гэта заявіў кіраўнік МЗС Украіны Павел Клімкін у чацвер у Токіо, перадае «Інтэрфакс-Украіна».
«З пункту гледжання практычнай імплементацыі цяпер нічога не мяняецца, пагадненне прымяняецца, як і раней, пакуль на часовай аснове. Так што ніхто не перажывае ніяк. І зона свабоднага гандлю, і сектаральнае супрацоўніцтва спакойна прасоўваюцца далей», — заявіў міністр, каментуючы папярэднія вынікі рэферэндуму ў Нідэрландах.
Ён дадаў, што Украіна супрацоўнічае з Брусэлем у межах існуючых органаў гэтага пагаднення і рэферэндум на гэты працэс не ўплывае.
«Такім чынам, не трэба весціся на пэўныя спекуляцыі, што гэта можа нейкім чынам паўплываць на практычную імплементацыю пагаднення», — растлумачыў міністр.
Кіраўнік МЗС дадаў, што цяпер улады Нідэрландаў і палітыкі будуць раіцца, як далей дзейнічаць.
«Вядома, з пункту гледжання разумення вынікаў — гэта стаўленне галандцаў да Еўропы, жаданне еўраскептыкаў пашкодзіць яе адзінству і гэта вельмі моцна адчувалася — мабілізацыя менавіта гэтага лагера», — сказаў Климкин.
Разам з тым, паводле яго слоў, украінскі бок «усё роўна спадзяваўся на трохі лепшы вынік».
«Мы заўсёды верым у перамогу і павінны за яе змагацца. Таму зараз еўраінтэграцыю Украіны не спыніць, мы будзем рухацца гэтым шляхам», — рэзюмаваў ён.
Нагадаем, паводле папярэдніх вынікаў, супраць Пагаднення аб асацыяцыі прагаласавалі 61% галандцаў. Рэферэндум выклікаў мабілізацыю ўсіх еўраскептыкаў Нідэрландаў, якія выступаюць супраць далейшага пашырэння саюза.
Цяпер чытаюць
Хто той замежнік, які забіў жонку і згвалтаваў падчарыцу ў Добрушы13
Хто той замежнік, які забіў жонку і згвалтаваў падчарыцу ў Добрушы
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках88
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках8
«Калі і прыеду ў Беларусь, то ўжо як турыст». Аргенцінец хацеў зрабіць бізнэс у Беларусі, але яго выслалі за драбязу. Цяпер дазволілі вярнуцца, але ёсць нюанс22
Каментары