Ваенныя выдаткі ўсіх краін свету ў 2015 годзе падняліся прыкладна да $1,6 трлн — на 1% у параўнанні з папярэднім годам, паведаміў аўтарытэтны Stockholm International Peace Research Institute.
Такім чынам, паказчык вырас упершыню з 2011 года — за кошт краін Азіі, Цэнтральнай і Усходняй Еўропы, а таксама Блізкага Усходу.
Вызначальным фактарам стала таксама тое, што ЗША заўважна скарацілі выдаткі на ўзброеныя сілы, хоць апошнія 5 год павялічвалі іх.
ЗША застаюцца краінай з самым вялікім ваенным бюджэтам — $596 млрд, за імі ідзе Кітай з $215 млрд, Саудаўская Аравія з $87,2 млрд і Масква з $66,4 млрд (з-за падзення курса расейскага рубля), ацэньвае шведскі інстытут.
Ніжэй у рэйтынгу стаяць Вялікабрытанія і Францыя з $55,5 млрд і $50,9 млрд адпаведна.
У Азіі абаронныя бюджэты выраслі прыкладна на 5,4% — у асноўным за кошт Кітая.
У Еўропе — на 1,7%, перш за ўсё з-за занепакоенасці, якая выклікана ў рэгіёне агрэсіяй Масквы супраць Украіны. Увогуле, ваенныя бюджэты ва Усходняй Еўропе выраслі на 90% з 2006 года.
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць3434
Каментары