На 80-м годзе жыцця памёр доктар эканамічных навук, прафесар Пётр Капітула.
Пра гэта напісаў у сваім фэйсбуку эканаміст Аляксандр Лучанок.
Пётр Капітула нарадзіўся 4 ліпеня 1936 г. у вёсцы Вялікі Бор (Старадарожскі раён). У 1958 г. скончыў Беларускі дзяржаўны інстытут народнай гаспадаркі (цяпер БДЭУ) па спецыяльнасці «Бухгалтарскі ўлік у прамысловасці», у 1965 — Мінскую вышэйшую партыйную школу.
У 1994-2000 гадах працаваў у Адміністрацыі прэзідэнта Беларусі начальнікам аналітычнага цэнтра, памочнікам прэзідэнта.
З 2001-га — дарадца старшыні рады дырэктараў замежнага прадпрыемства «Лукойл-Беларусь».
З 2003-га — прафесар кафедры эканомікі і кіравання ВШКБ БДЭУ.
У 1988 годзе стаў доктарам эканамічных навук, у 1989-м яму было прысвоена вучонае званне прафесара.
Аўтар больш за 80 навуковых прац, з іх дзесяць — манаграфій.
За плённую працу ў органах дзяржаўнага кіравання атрымаў падзяку ад Лукашэнкі.
Каментары