Статыстычныя службы Беларусі і Польшчы апублікавалі дадзеныя аб сярэднім заробку за снежань 2015 года.
Лічбы снежня традыцыйна самыя высокія, бо работнікі звычайна атрымліваюць прэміі. А ў студзені заробак змяншаецца.
Паводле дадзеных Белстата, сярэдні заробак у Беларусі склаў 7,42 мільёна рублёў. Па тагачасным курсе гэта $412. У параўнанні са снежнем 2014 года заробак зменшыўся на $207.
Апроч таго, у студзені 2016 года у Беларусі адбываецца чарговая дэвальвацыя. Пры пераліку на цяперашні курс заробак усыхае да $344.
Што ж у Польшчы? Сярэдні заробак склаў 4515 злотых. Гэта роўна $1100 у эквіваленце.
Фактычна гэта ў 3,2 разу больш, чым у Беларусі.
Рэальны разрыў ва ўзроўні даходаў яшчэ большы, бо ў Беларусі доля прыватнага сектара нашмат меншая, а таму зарплаты ў структуры даходаў займаюць галоўнае месца. Тады як у Польшчы людзі шмат даходаў атрымліваюць у выглядзе прыбыткаў ад бізнэсу, дывідэндаў і гэтак далей.
Каментары