«Ізвестія»: Мінабароны Расіі выпусціць дапаможнік «Ветлівыя людзі» для барацьбы з мацюкамі ў арміі
Мінабароны Расеі збіраецца выпусціць дапаможнік «Ветлівыя людзі» для расійскіх вайскоўцаў, з дапамогай якога плануе змагацца з ненарматыўнай лексікай у войску.
Пра гэта ваеннае ведамства паведаміла ў адказе руху «Усерасійскае бацькоўскі сход», якое папрасіла выкараніць лаянку ў войсках.
У грамадскай арганізацыі лічаць, што вайскоўцам ад радавога да генерала не да твару брыдкасловіць, «гэта ганьбіць гонар мундзіра і рускага воіна».
У Мінабароны заявілі, што ўжо цяпер з вайскоўцамі вядзецца адпаведная работа, а неўзабаве выйдзе кніга спецыяліста па этыкеце Івана Арцішэўскага «Ветлівыя людзі».
Па словах аўтара, у дапаможніку будзе змешчана інструкцыя па паводзінах за сталом, пры зносінах з жанчынамі, згадваюцца таксама тэлефонныя размовы, імідж і знешні выгляд.
Прадстаўнік грамадскай арганізацыі, якая звярнулася да вайсковага ведамства, Уладзімір Расноўскі ўпэўнены, што пры Сувораву, Кутузаву і Ушакову салдаты не лаяліся матам, таму «гэта былі самыя магутныя войскі ў свеце».
Па словах Расноўскага, камандзір павінен караць салдат, якія лаюцца пры ім, напрыклад, чысткай двара або 100 кг бульбы.
Цяпер чытаюць
«Я больш не анархіст». Мікола Дзядок — пра турму, Бога і расчараванне ў ідэалогіях19
Каментары