На адной з самых буйнейшых кніжных выстаў Еўропы, якая пройдзе 13-16 сакавіка ў Ляйпцыгу, паўстане беларускі стэнд, прэзентаваны ініцыятывай Books from Belarus. Стэнд прадставіць кнігі беларускіх выдавецтваў, а ў межах агульнай праграмы пройдуць беларускія літаратурныя імпрэзы.
Да таго ж на стэндзе будзе прадстаўлены каталог Books from Belarus/»Кнігі з Беларусі». Каталог, які для зручнасці замежных выдаўцоў і літаратурных агентаў выдадзены па-ангельску, прадстаўляе анатацыі твораў Васіля Быкава, Алеся Разанана, Ігара Бабкова, Алены Бравы, Адама Глобуса, Уладзіміра Арлова, Людмілы Рублеўскай, Уладзіміра Някляева, Альгерда Бахарэвіча, Віктара Казько, Барыса Пятровіча, Уладзіміра Казлова.
Books from Belarus – гэта супольная ініцыятыва незалежных выдаўцоў Беларусі, сярод якіх Саюз беларускіх пісьменнікаў, 34mag.net і Літаратурны Дом «Логвінаў». Мэта кампаніі – прасоўванне айчыннай літаратуры на сусветным кніжным рынку, наладжванне сувязяў і камунікацыі з літаратурнымі агентамі ды выдаўцамі з іншых краін, фармаванне інтэлектуальнага іміджа Беларусі за мяжой. Летась праект Books from Belarus узяў удзел у Франкфурцкім і Варшаўскім кніжных кірмашах.
13 сакавіка, 17:00 –»Тры гадзіны і вы ТАМ». Дыскусія пра сучасную беларускую літаратуру. У дыскусіі бяруць удзел: пісьменнік Барыс Пятровіч, выдавец Ігар Логвінаў, літаратурны агент Дар’я Вашкевіч, перакладчык беларускай літаратуры Томас Вайлер
14 сакавіка, 15:30 – Прэзентацыя нямецкага выдання кнігі Максіма Гарэцкага «Дзве душы». Мадэратар – Томас Вайлер.
Адрас кніжнай выставы ў Ляйпцыгу: Messe-Allee 1, cтэнд Е504
Стэнд Books from Belarus запрашае на адведкі ўсіх ахвочых, а асабліва прадстаўнікоў беларускай дыяспары ў Нямеччыне
Цяпер чытаюць
На пратэстанцкі фестываль у «Чыжоўку-Арэну» едзе амерыканскі прапаведнік Франклін Грэм. Разам з ім чакаюць Коўла з жонкай14
Каментары