Журналіст Бабчанка: Калі пачнецца катастрофа на Каўказе, Расіі будзе не да ДНР
«Рэспублікі» баевікоў Данбаса спыняць існаванне, калі прадстаўнікі «ісламскай дзяржавы» атакуюць Расію. Пра гэта ў сваім акаўнце ў Facebook напісаў расійскі ваенны журналіст Аркадзь Бабчанка.
«Адзіная надзея «Наваросіі» на існаванне — гэта Амерыка. Бо калі Амерыка раптам перастане хоць неяк стрымліваць нашых лепшых сяброў з «ісламскай дзяржавы», яны, натуральна, за ўсё, немінуча палезуць у Расію. Дарма, што глеба ўжо падрыхтавана. І калі на Каўказе чарговы раз пачнецца катастрофа, Расіі будзе ўжо, вядома, не да данецкага аэрапорта.
Пасля чаго ДНР і ЛНР спыняць сваё існаванне досыць хутка і, увогуле, натуральным шляхам. Там нават асаблівых баёў не спатрэбіцца», — мяркуе ён.
Аркадзь Бабчанка піша, што ЗША з'яўляюцца стратэгічнымі саюзнікам Расіі ў барацьбе з ісламістамі.
«Ці разумеюць гэтую шызафрэнію адэпты «Рускага свету», цікава? Проста па-чартоўску цікава паглядзець, якога памеру «затык» адбудзецца ў галаве ў Дугіна, калі стане ясна, што «Праклятае НАТА» і «праклятая Амерыка» — гэта найважнейшыя стратэгічныя саюзнікі Расіі», — піша журналіст.
Цяпер чытаюць
Cцяпан Латыпаў трэці раз спрабаваў здзейсніць суіцыд у турме4
Cцяпан Латыпаў трэці раз спрабаваў здзейсніць суіцыд у турме
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1313
Каментары