Аўтаномія Гагаузіі пагражае абвясціць сваю незалежнасць у выпадку, калі Малдова падпіша Пагадненне аб асацыяцыі з ЕС. Пра гэта заявіў башкан Гагаузіі Міхаіл Фармузал у інтэрв'ю турэцкім СМІ. І Фармузал, і асноўныя гагаузскія палітычныя сілы маюць цесныя сувязі з Масквой — аналагічна як былы крымскі прэм'ер Аксёнаў.
Фармузал падкрэсліў, што аўтаномія абвесціць сваю незалежнасць, калі Малдова падпіша Пагадненне аб асацыяцыі з ЕС. Палітык абгрунтаваў сваю заяву тым, што экспартныя пастаўкі з рэгіёну ажыццяўляюцца ў асноўным у Расію, а ў выпадку асацыяцыі з ЕС, аўтаномія будзе пазбаўленая такой магчымасці, піша агенцтва Укрінфарм.
Гагаузаў каля 150 тысяч, яны жывуць кампактна на поўдні Малдовы. Гэта цюркамоўны праваслаўны народ.
Малдова мае падпісаць пагадненне аб Асацыяцыі з Еўрасаюзам 27 чэрвеня на надзвычайным саміце Еўрасаюз — Малдова.
Закон аб асаблівым статусе Гагаузіі, прыняты малдаўскім парламентам яшчэ ў 1994 годзе, не прадугледжвае права аўтаноміі на выхад з Малдовы.
-
Бенгальскія агні на шампанскім сталі прычынай пажару ў бары ў Швейцарыі, дзе загінулі 40 чалавек
-
Кіруючая партыя Германіі хоча высылаць сірыйцаў, якія беглі ад грамадзянскай вайны, назад на радзіму — нават рэгулярнымі рэйсамі
-
Еўракамісія пачала расследаванне з-за тыктокаў, створаных з дапамогай штучнага інтэлекту, якія заклікаюць да выхаду Польшчы з ЕС
Цяпер чытаюць
«Паша, я табе не веру». Севярынец расказаў, як выпадковая дзяўчына матывавала яго назаўсёды перайсці на беларускую мову4
Каментары