Шаснаццаць дзяцей і інструктар па плаванні 24 красавіка атруціліся растворам хлору ў басейне мінскага ліцэя №1 на вуліцы праспекта Газеты «Звязда».
Як паведамляе прэс-служба МНС Беларусі, атручэнне атрымалі вучні школы №105 Мінска, у якіх у басейне ліцэя праходзілі планавыя заняткі. Яны пачаліся пасля замены вады ў басейне і яе абеззаражання апаратам хларавання вады з выкарыстаннем воднага раствора гіпахларыту натрыя для плавальных басейнаў.
У басейне ў дзяцей пагоршылася самаадчуванне. У іх адзначаліся кашаль, рэзь у вачах, пачырваненне вачэй. Інструктар па плаванні і персанал спарткомплексу ліцэя неадкладна вывелі школьнікаў з будынка на свежае паветра. Доступ у будынак спарткомплексу быў абмежаваны.
Брыгада хуткай дапамогі даставіла 16 вучняў чатырох класаў і інструктара па плаванні ў гарадскія бальніцы. Пасля медыцынскага абследавання стан васьмі дзяцей прызнаны здавальняючым, астатніх дзяцей — сярэдняй ступені цяжкасці.
Па факце надзвычайнага здарэння вядзецца разбіральніцтва.
Цяпер чытаюць
Галоўным спікерам Жаночага форуму ў Мінску стане расійскі крынджовы псіхолаг, які расказваў пра «памяць жаночых палавых губ»14
Каментары