Жыхар вёскі Рытань (Астравецкі раён) зьбіў бабульку і ўцёк.
У выніку дарожна-транспартнага здарэння, што адбылося на аўтадарозе Паляны—Падольцы загінула пенсіянерка.
У суботу вечарам у міліцыю пазваніў жыхар вёскі Падольцы і расказаў, што на аўтадарозе Паляны—Падольцы машынай была збіта жанчына. Праз некаторы час урач Астравецкай бальніцы паведаміў міліцыянерам, што каля вёскі Паляны знойдзена загінулая жанчына.
Міліцыянеры, якія прыехалі на месца дарожна-транспартнага здарэння, устанавілі, што пенсіянерка з Падольцаў рухалася на веласіпедзе па праваму боку праезнай часткі з вёскі Паляны ў вёску Падольцы. За 35—40 метраў ад вёскі Паляны яе збіла машына, якая ехала ў сустрэчным напрамку. Пасля правядзення міліцыянерамі аператыўных мерапрыемстваў было ўстаноўлена, што ў момант здарэння пакрыццё асфальта было сухім, на веласіпедзе былі святлоадбівальныя элементы, участак дарогі прамы.
Пасля наезду на пенсіянерку віноўнік аварыі ўцёк з месца ДТЗ.
У Астравецкім і бліжэйшых раёнах быў уведзены план "Перахоп". Хутка віноўнік аварыі, жыхар вёскі Рытань, і машына "Фолькс-ваген-Пасат", пад коламі якой загінула пенсіянерка, былі знойдзены. Каб пазбегнуць заслужанага пакарання, гора-вадзіцель схаваўся ў сябра на тэрыторыі Спондаўскага сельсавета, тым самым пагоршыўшы сваю долю. Супраць вадзіцеля ўзбуджана крымінальная справа і яму пагражае пазбаўленне волі.
Цяпер чытаюць
Усе чакалі падзення цэн, але нічога падобнага! Як за год змяніліся цэны на кватэры ў Мінску і іншых буйных гарадах17
Усе чакалі падзення цэн, але нічога падобнага! Як за год змяніліся цэны на кватэры ў Мінску і іншых буйных гарадах
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння66
Каментары