Рэдакцыя часопіса падрыхтавала зварот да сваіх чытачоў.
Шаноўныя чытачы!
З задавальненнем паведамляем Вам, што з Новага года часопіс «ARCHE» аднаўляе штомесячны выхад і ўключаны ў падпісны каталог «Белпошты» на 1-е паўгоддзе 2014 года. Такім чынам, на часопіс цяпер зноў можна падпісацца, і гэта абыдзецца значна танней, чым набыццё асобных нумароў ураздроб.
Падпісныя індэксы часопіса ў каталогу «Белпошты» застаюцца ранейшыя: 00345 для індывыдуальных падпісчыкаў і 003452 для прадпрыемстваў і арганізацый.
Цана для індывідуальных падпісчыкаў: на адзін месяц — 23 800, на квартал — 71 400, на паўгоддзе — 119 000 рублёў.
Для прадпрыемстваў і арганізацый: на адзін месяц — 101 330, на квартал — 303 990, на паўгоддзе — 506 650 рублёў.
Акрамя традыцыйнага спосабу, сёння існуе зручная магчымасць афармлення падпіскі на перыядычныя сродкі масавай інфармацыі праз сістэму «Інтэрнэт-падпіска».
Фізічныя асобы могуць аплаціць падпіску на друкаваныя СМІ праз плацежныя сістэмы «InterPlat» з выкарыстаннем банкаўскіх плацежных картак MasterCard, эмітаваных ТАА «Белгазпрамбанк», і «WebPay» з выкарыстаннем банкаўскіх плацежных картак VISA і MasterCard, эмітаваных рознымі банкамі, а таксама пры дапамозе электронных грошай EasyPay.
Больш падрабязная інфармацыя даступная на гэтай старонцы.
Каментары