Еўрапейскаму Цэнтрабанку варта было б выключыць з абарачэння купюры ў 500 еўра. З такой прапановай выступілі аналітыкі Bank of America.Яны лічаць, што такі крок прывёў бы да зніжэння курсу еўра, што выгадна для мясцовых экспарцёраў, павышэнню ВУП, а таксама дапамог бы змагацца з арганізаванай злачыннасцю ў ЕС.
Купюры ў 500 еўра — самыя «дарагія» сярод усіх купюр дзесяці самых папулярных валют свету. У Bank of America сцвярджаюць, што грамадзяне Еўропы імі амаль не карыстаюцца для здзяйснення пакупак.Аналітыкі фінансавай арганізацыі прыводзяць у даследаванні жарт, які цыркулюе ў ЕС: нібы купюра ў 500 еўра падобная на Бін Ладэна — усе ведаюць, што яна ёсць, але ніхто яе ніколі не бачыў.
Паводле афіцыйнай інфармацыі Еўрапейскага ЦБ, толькі трэцяя частка з усіх выпушчаных купюр ў 500 еўра знаходзіцца ў абарачэнні: астатнія ляжаць у банках або «пад матрацам» еўрапейцаў.Брытанскае агенцтва па барацьбе з арганізаванай злачыннасцю раней заяўляла, што да 90% усіх банкнот ў 500 еўра знаходзяцца ў руках бандытаў.
У Bank of America прапанавалі ЕЦБ аб’явіць, што купюры ў 500 еўра абменьваюцца на больш дробныя толькі да пэўнага часу і пры ўмове, што іх уладальнікі змогуць даказаць законнасць паходжання сродкаў.Гэта, лічаць у банку, пазбавіла б злачынцаў значнай часткі іх сродкаў.
У ЕЦБ раней неаднаразова заяўлялі, што банкноты ў 500 еўра граюць важную ролю ў эканоміцы і што адбіраць іх рэгулятар не мае намеру.
Банкноты ў 500 еўра з’явіліся ў ЕС разам з банкнотамі іншага наміналу ў 2002 годзе. Для параўнання, у амерыканскага даляра самы вялікі намінал — 100 даляраў (калі не лічыць рарытэтныя купюры пачатку стагоддзя большай вартасці, якія, аднак, павінны прымацца як сродак плацяжу ва ўсіх крамах), у брытанскага фунта — 50 фунтаў.
-
Прэзідэнт Кубы заявіў, што магчымы ваенны напад ЗША на краіну прывядзе да крывавай бойні з непрадказальнымі наступствамі
-
Суд адхіліў гучны пазоў Ілана Маска супраць кампаніі OpenAI і яе кіраўніка Сэма Альтмана
-
Трамп заявіў, што адмяніў новы ўдар па Іране па просьбе лідараў Катара, ААЭ і Саудаўскай Аравіі
Цяпер чытаюць
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары