Білборд «Гэтая стабільнасць падобная да смерці» правісеў суткі ў цэнтры Мінска
Рэклама каля сталічнага кінатэатра «Беларусь» са зместам «Гэта стабільнасць падобна да смерці» правісела менш за суткі. Пра яе з’яўленне ў пятніцу паведаміў сайт charter97.org.
Канструкцыя з рэкламай належаць кампаніі «Белзнешрэклама». Але ў самой кампаніі пра новы рэкламны плакат нічога не ведалі — па іх версіі там павінна стаяць рэклама «Смак беларускай мовы».
Пасля тэлефанавання Еўрарадыё кіраўнік кампаніі Дзяніс Моўчан тэрмінова выехаў на месца.
«Гэта несанкцыянаваная рэклама. У нас форсмажорныя абставіны — мы не размяшчалі гэтую рэкламу, ужо выклікалі міліцыю. Але і білборд ўжо нехта зняў».
Цяпер на яго месцы знаходзіцца рэклама «Смак беларускай мовы».
Лукашэнкаўцы часта хваліліся, што іх кіраванне прынесла краіне «стабільнасць». Таму гэтае слова набыло ў Беларусі асаблівы сэнс.
Амаль усе чаты і суполкі калоній і СІЗА Беларусі прызналі экстрэмісцкімі фармаваннямі. Пад пагрозай тысячы чалавек5
Каментары