Металургам БМЗ зноў будзе зайздросціць увесь рабочы клас краіны.
У параўнанні з папярэднім карпаратыўным календаром, які таксама ўпрыгожвалі чароўныя супрацоўніцы Беларускага металургічнага завода, новы атрымаўся больш гарачы.
Больш агню і слоган «Яны растапілі метал»: інжынеры, лабарант, кантралёр, студэнтка, выхавальніца, кладаўшчыца і аператар ЭВМ даказалі, што прыгожыя дзяўчаты ўпрыгожаць сабой і каляндар, і адказны вытворчы ўчастак.
Афіцыйная прэзентацыя карпаратыўнага календара на 2013 год адбудзецца 20 снежня ў Жлобіне, у Палацы культуры металургаў.
Упрэс-службе БМЗ адзначылі, што карпаратыўны каляндар адлюстроўвае «не проста ролю жанчын на металургічнай вытворчасці».
Паэтычнасць металургаў уражвае:
«Прыгажосць жаночага цела і прыгажосць расплаўленага металу ў пэўнай меры — роднасныя паняцці, характэрнымі рысамі якіх з’яўляюцца пластычнасць і прыродная прыцягальнасць.Любая жанчына, як і метал, — гэта набор самых нечаканых, часам супярэчных паміж сабой уласцівасцей. Так, калі сталь, на першы погляд, здаецца трывалай і цвёрдай, то пры пэўных умовах яна можа змяніць стан, стаўшы мяккай і гнуткай. У выпадку з прадстаўніцамі прыгожай паловы чалавецтва ўсё наадварот: нягледзячы на прафесію ці абставіны, яны ўмеюць заставацца вытанчанымі і далікатнымі. Пры гэтым за знешняй слабасцю, як правіла, хаваюцца упэўненасць, смеласць і стальная воля».
— Удзел у такім праекце — гэта цікавы досвед. Калі табе яшчэ выпадзе магчымасць адчуць сябе сапраўднай мадэллю і папрацаваць з прафесійнымі візажысткі і фатографамі, — адзначае лабарант ЦЗЛ Таццяна Герасіменка.— Я ўдзельнічала ў леташняй фотасесіі для карпаратыўнага календара. У гэтым годзе вырашыла паўтарыць, і мне пашанцавала: я патрапіла ў спіс кандыдатак. Праўда, прыйшлося крыху змяніць імідж. Калі прыехалі ў студыю на здымкі, стыліст сказаў, што трэба зрабіць стрыжку. Я люблю мяняцца, таму без пытанняў пагадзілася адрэзаць валасы, — так што калі будзеце параўноўваць фота з папярэдняга і новага календароў, мяне пазнаеце не адразу.
Карпаратыўны каляндар будзе распаўсюджаны сярод дзелавых партнёраў БМЗ па ўсім свеце.
Цяпер чытаюць
Коўл Лукашэнку: Табе трэба быць больш асцярожным, за сталом кепскіх пацаноў застаўся адзін ты21
Каментары