Полина Республика примет участие в спектакле вместе с детьми с аутизмом
10 лістапада ў ДК МАЗ сямейны інклюзіў-тэатр «i» пакажа сваю самую папулярную пастаноўку «Восем пачуццяў або нараджэнне чалавека». У спектаклі граюць 80 акцёраў — у шэсць разоў больш, чым у «Чайцы», у чатыры разы больш, чым у класічнай «Паўлінцы». Вялікую кампанію артыстаў 10 лістапада дапоўніць спявачка PALINA.
Галоўныя героі спектакля «Восем пачуццяў або нараджэнне чалавека» — супярэчлівыя пачуцці, якія час ад часу ахопліваюць кожнага: злосць, сум, інтарэс, крыўда, страх, радасць, задавальненне, віна. Паліна Паланейчык, вядомая публіцы пад псеўданімамі PALINA і Паліна Рэспубліка, стане спецыяльнай госцяй імпрэзы, праспявае для гледачоў пастаноўкі і зробіць сумеснае фота з усімі ахвотнымі.
— Спектакль «Восем пачуццяў або нараджэнне чалавека» — важная частка нашага рэпертуару, — каментуе кіраўнік сямейнага інклюзіў-тэатра «і» Ірына Пушкарова. — Гэтая пастаноўка пра пачуцці — канцэнтрацыя уласных эмоцый і перажыванняў акцёраў. У ёй удзельнічаюць 80 артыстаў ад 6 гадоў і старэйшыя, а ідэю твора прыдумаў наш 12-гадовы выхаванец Кастусь Жыбуль. Гэтым спектаклем мы адкрываем чацвёрты тэатральны сезон, вельмі ўдзячныя Паліне і ўсім, хто падтрымаў і яшчэ падтрымае праект.
У сямейным інклюзіў-тэатры «і» грае больш за 100 акцёраў, у тым ліку дзеці з аўтызмам. Квіткі на пастаноўку «Восем пачуццяў або нараджэнне чалавека» можна купіць на bycard.by або па тэлефоне +375 (29) 622-20-90.
Сейчас читают
Стал героем Могилевского универа, собирал фольклор, работал на беларусизацию садиков — рассказываем про Евгения Бойко, осужденного за солидарность с политзаключенными77
Комментарии