20 traŭnia ŭ Miensku a 17:00 na płoščy Banhalor pavinna była pačacca mirnaja akcyja pratestu moładzi suprać admieny ilhotaŭ na prajezd.
20 traŭnia ŭ Miensku a 17:00 na płoščy Banhalor pavinna była pačacca mirnaja akcyja pratestu moładzi suprać admieny ilhotaŭ na prajezd. Na placoŭcy kala ŭvachodu ŭ Park družby narodaŭ sabrałasia kala 200 udzielnikaŭ akcyi.
Park byŭ ačepleny milicyjaj i supracoŭnikami AMAP, jakija nie puskali nikoha ŭ park. Na płoščy Banhalor biez anijakaj pryčyny byli zatrymanyja 7 udzielnikaŭ akcyi, siarod jakich siabry Partyi BNF — Aleś Kalita, Andruś Sarotnik, Franak Viačorka, Andruś Ihnatovič, Andruś Ihnatčyk, Mikałaj Jakušaŭ, a taksama siabry Maładoha frontu. Chłopcaŭ advieźli ŭ RAUS Savieckaha rajonu, dzie trymali na praciahu hadziny. U hety čas 200 udzielnikaŭ akcyi rušyli da skveru imia Janki Kupały, dzie planavałasia zładzić praciah akcyi z vystupami muzykaŭ. Pa darozie da skveru jašče kala dziesiatku chłopcaŭ i dziaŭčat byli zatrymanyja milicyjaj. Praź niekatory čas ich vypuścili. Sa skveru imia Janki Kupały udzielnikaŭ akcyi vycisnuli supracoŭniki AMAP. Pry hetyja tym minakam, jakija chacieli trapić u skver, paviedamlałasia, što jon zaminavany.
Praciah akcyi adybyŭsia praź niekatory čas na płoščy Niezaležnaści, dzie moładź hulała ŭ viasiołyja hulni, śpiavała pieśni. Paśla ŭdzielniki akcyi pašychtavalisia ŭ kalonu j pajšli pa praspekcie sa słovami «Biez kvitka, bo ilhotaŭ niama». Kala Kamitetu dziaržaŭnaj biaśpieki kalonu spynili i razahnali amapaŭcy, jakija jechali pa praspekcie pobač z udzielnikami akcyi ŭ aŭtazakach. Tady było vyrašana prajści da Niamihi j tam skončyć mierapryjemstva. Na vulicy Haradzki vał jašče 12 čałaviek byli zatrymanyja. Praz hadzinu ich vypuścili.
Arhanizatarami akcyi jość moładź BNF, Zadzinočańnie biełaruskich studentaŭ, Volnaja moładź, Małady front, BAMP, Hramadzianski forum, MCHSS Maładyja demakraty. Moładź BNF vyrabiła majki z nadpisami «Biez kvitka, bo ilhotaŭ niama», kartonnyja zaječyja vušy, jakija symbalizujuć biaspłatny prajezd. Usio heta było vykarystana padčas akcyi.
Fota «Radyjo Svaboda»
Kamientary