Soras: Rasija i Biełaruś całkam zaležać ad nafty, tolki Rasija — ad svajoj, a Biełaruś — ad čužoj
Miljarder i fiłantrop vystupiŭ u Varšavie ŭ Polskaj akademii navuk. Sustrecca ź viadomym amierykancam zmahli navučency, siarod jakich byli i biełarusy.
U pačatku 90-ch hadoŭ Džordž Soras ukłaŭ šmat srodkaŭ u raźvićcio navučalnych ustanoŭ va Uschodniaj Jeŭropie, kab dać maładym ludziam adukacyju svabodnuju ad marksisckich dohmaŭ. Instytut adkrytaha hramadstva i fondy Sorasa ŭ roznych krainach praciahvajuć rabić heta i siońnia, choć adukacyja ŭžo daloka nie hałoŭny napramak ich dziejnaści.
«Palityka, jakuju pravoziać ŭłady Biełarusi i Rasiei, biessensoŭnaja. Jana viadzie da zaniapadu i ekanamičnaha adstavańnia ad inšych krain śvietu.Rasieja maje vydatny intelektualny patencyjał, ale jaho nie raźvivajuć u pravilnym napramku. Rasiejskija kiraŭniki atrymlivajuć hrošy ad nafty i vysyłajuć ich za miežy dziaržavy , tak jak nie vierać va ŭłasnuju krainu. Ekanomika nie raźvivajecca. U doŭhaterminovaj pierśpiektyvie heta pryviadzie da katastrofy», - zajaviŭ Džordž Soras.
Miljarder upeŭnieny: pieramieny niepaźbiežnyja, jak u Rasiei, tak i ŭ Biełarusi.
«Viadoma, hramadskija pratesty dušacca, adnak u apošnija hady stała patryjatyčnym krytykavać palityku, jakaja prynosić Rasiei škodu, - zajaviŭ jon. - I hetyja hałasy niezadavolenaści niemahčyma supakoić, tak jak jany absalutna słušnyja i iduć z samoha hramadstva, navat ź isteblišmientu. Tak što rana ci pozna pieramieny niepaźbiežnyja. Adnak pakul što ŭłady Rasiei viaduć krainu ŭ zusim drennym kirunku - navat z punktu hledžańnia čysta rasiejskich nacyjanalnych intaresaŭ.
Što tyčycca Biełarusi - heta ekanamičnaja niaŭdača navat pa rasiejskich standartach. Biełaruś nie mienš zaležyć ad nafty, čym Rasieja, pryčym zaležnaja ad čužoj nafty, a značyć, zaležnaja ad Maskvy».
Varta dadać, što ŭ Biełarusi Fond Sorasa łukašenkaŭcy zabaranili jašče ŭ 1997 hodzie, abvinavaciŭšy jaho ŭ padtrymcy apazicyi i nacyjanalnaha ruchu.
-
«Usiu vyhadu ad hetaha zajmieje Maskva i Pucin». Paźniak daŭ acenku vizitu Cichanoŭskaj va Ukrainu
-
Jak buduć raźvivacca padziei, kali Maskva znoŭ, jak i ŭ 2022, pačnie nanosić udary pa Kijevie z terytoryi Biełarusi? Mahčymyja scenary
-
Kaleśnikava: Ja nikoli nie kažu pra vajennyja sankcyi. Ale isnuje spartyŭny trek, pamiežnyja pytańni, miedycyna — usio što zaŭhodna
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu12
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu6060
Kamientary