Znakamitaja karcina "Kryk" narviežskaha mastaka-ekspresijanista Edvarda Munka pradadzienaja ŭ sieradu na aŭkcyjonie "Sotbis" u Ńju-Jorku za $119,9 młn,
paviedamlajuć infarmahienctvy.
Heta novy rekord cany dla tvoraŭ mastactva, pradadzienych z małatka.Da hetaha času najbolšaja suma była vypłačanaja za karcinu Pabła Pikasa "Aholenaja na fonie biusta i zialonaha liścia", jakaja ŭ 2010 hodzie była pradadzienaja na aŭkcyjonie za $106,5 młn.
Ekśpierty "Sotbis" aceńvali pracu Munka ŭ $80 młn, pry hetym padkreślivajučy, što cana prahnazavałasia intuityŭna i pradkazać vynikovuju canu niemahčyma.
"Kryk" Munka – adzin z samych znakavych tvoraŭ mastactva pieryjadu madernizmu. Na dumku krytykaŭ, karcina vykazvaje pačućcio ekzistencyjnaha strachu, što pieraśledujuć čałavieka sučasnaj cyvilizacyi. Munk stvaryŭ 4 viersii karciny, dźvie ź jakich napisany alejem, dźvie - pastellu. Vystaŭlenaja na aŭkcyjon "Sotbis" praca adnosicca da apošnich i źjaŭlajecca adzinym asobnikam, jaki zachoŭvajecca ŭ pryvatnych kalekcyjanieraŭ. Karcina adroźnivajecca ad troch inšych asabliva jarkaj kalarovaj palitraj. Na ramie karciny jość aŭtarski nadpis, jaki tłumačyć jaje siužet: "Maje siabry pajšli dalej, ja zastaŭsia zzadu, dryžučy ad tryvohi, ja adčuvaŭ vialiki Kryk Pryrody".
Da hetaha času ŭładalnikam karciny byŭ narviežski miljanier Pieter Ołsen. Jon atrymaŭ karcinu ŭ spadčynu ad svajho baćki, bahataha sudnaŭładalnika Tomasa Ołsena, jaki byŭ siabram i susiedam Munka.Pačynajučy z 1920-ch hadoŭ Ołsen-starejšy apiekavaŭsia mastakom, nabyvajučy jaho karciny. Paśla prychodu da ŭłady ŭ Hiermanii nacystaŭ, jakija ličyli tvorčaść Munka dehienieratyŭnaj, Ołsen arhanizavaŭ vyvaz 74 tvoraŭ majstra z Hiermanii i tym samym vyratavaŭ ich ad mahčymaha źniščeńnia.
Pavodle słovaŭ Pietera Ołsena, hrošy ad prodažu karciny jon źbirajecca vydatkavać na budaŭnictva muzieja, centra mastactvaŭ i hatela ŭ svaim sielskaj majontku ŭ Narviehii.
Pakupnik karciny nie abvieščany. Adnak, pavodle dadzienych zachodniaj presy, siarod kalekcyjanieraŭ, jakija mahli ŭstupić u baraćbu za ŭładańnie karcinaj Munka, - rasijski pradprymalnik Raman Abramovič, hrecki sudnaŭładalnik Filip Nijarchos i karaleŭskaja siamja Katara.
Ciapier čytajuć
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu2
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu5656
Kamientary