Biełaruś u sieryjale «Tajamnicy śledstva»: žorstkaja i biełaruskamoŭnaja

Sieryjał «Tajamnicy śledstva» idzie ŭžo 10-y siezon — pieršuju sieryju pakazali ŭ 2001 hodzie. Jon nie taki dynamičny, jak inšyja rasijskija kryminalnyja sieryjały, i hałoŭnaja hierainia ŭ im žančyna-śledčaja. I voś u piataj i šostaj sieryi dziasiataha siezonu dziejańnie častkova adbyvajecca ŭ Biełarusi. A kankretniej — u biełaruskaj turmie.

Žurnalist Abieleŭ atrymlivaje zadańnie — «praniknuć u najvyšejšyja ešełony biełaruskaj ułady». U aŭtobusie žurnalist znajomicca z dziaŭčynaj-biełaruskaj, jakaja havoryć ź lohkim akcentam i nazyvaje siabie zamiežnicaj.

U Minsku jana raić jamu zasialicca ŭ hatel «Kosmas», a pa darozie ŭ taksi vyciahvaje ŭ žurnalista z kišeni hamaniec i padkidvaje jamu ŭ sumku hierain. Taksist, jaki padčas pajezdki, darečy, słuchaje biełaruskamoŭnaje radyjo (pa im paśla słovaŭ dyktara pačynaje vystupać Łukašenka), skručvaje žurnalista i pieradaje jaho ŭ ruki milicyi. Darečy

skručvaje jon hałoŭnaha hieroja na fonie płakata «Za Biełaruś».

U turmie

milicyjanty źviartajucca da rasiejca «inostraniec»

šyldački na ścienach: «Uvachod zabaronieny», i, čamuści, «Miaža zabaroniena».

«Pałonny zamka Biełaruś»

Śledčy, jaki viadzie spravu žurnalista siadzić u kabiniecie z tabličkaj «miesca dla dopytaŭ». Jon paviedamlaje hałoŭnamu hieroju, što, kali toj «pahodzicca supracoŭničać sa śledstvam, to atrymaje tolki dvaccać hadoŭ pazbaŭleńnia voli». Naturalna, hieroj admaŭlajecca, paśla čaho traplaje ŭ kamieru_ dzie ŭžo siadzić inšy zamiežnik — Machmud z Maskvy. Toj adrazu prapanuje «ziemlaku» płan uciokaŭ.

Dalej pačynajecca niešta z tvorčaści Dziuma. U Machmuda znachodzicca ampuła z atrutaj, i ampuła z procijadździem. Adzin hłynaje, druhi prykidvajecca i jany traplajuć u 

špital numar piać, dzie «za zekami, jakija padychajuć, nichto nie sočyć».

U špitali źjaŭlajecca biełaruskamoŭny doktar, jaki ź biarecca ličyć adnaho z atručanych. Psieŭdaatručany Machmud niejtralizuje sanitara sudnom, adhaniaje doktara, i daje procijadździe žurnalistu. Paśla abodva na taksoŭcy ŭciakajuć u rasijskuju ambasadu.

Nie viedajučy movy, u biełaruskim sudzie nie abaronišsia

Heta tolki častka siužetu, asnoŭnaja linija datyčycca redkaj marki canoj ŭ miljon dalaraŭ i zabojstva ŭ Sankt-Pieciarburhu. Darečy kalehi žurnalista, jakim jon patelefanavaŭ z «miesca dla dopytaŭ» kažuć, što toj

nie zmoža abaranicca ŭ biełaruskim sudzie, bo… «nie vałodaje movaj»

U filmie padkreślivajecca žorstkaść achovy ŭ biełaruskich turmach, asabliva da zamiežnikaŭ, i poŭnaja abyjakavaść da zekaŭ u špitali. Usie tablički ŭ filmie biełaruskamoŭnyja — ad «sardečna zaprašajem» na hateli da turemnych «papiaredžańniaŭ».

Biełaruś u rasijsim filmie bolš biełarusizavanaja, čym u realnaści, adnak stanoŭčaha imidžu heta nie dadaje.

• 0
• 0
• 0
• 0
• 0
• 0
• 0
• 0